Сынтәа  Арадио адунеизегьтәи амш девизс иамоуп  «Арадиои аҭынчреи».

2011  шықәсазы,   ИУНЕСКО аӡбарала,  жәабран 13 Арадио адунеизегьтәи мшны ишьақәгылан. Убри аҽны,   1946 шықәсазы аҧҵан ЕАР арадио.

Қырҭтәыла Актәи аканал агенералтә директо Ҭинаҭин Берӡенишвили лҳәамҭала,  Актәи аканал есышықәса азгәанаҭоит Арадио адунеизегьтәи амш.

«Сынтәа ари амш девизс иамоуп   — «Арадиои аҭынчреи», уи арадио ауааҧсыра рзы ҵакыс иамоу аанарҧшуеит. Аҧышәа ишаҳнарбаз ала,  Ауаажәларратә дырраҭара,  ауааҧсыра ииашоу аинформациа рызҭо ахархәага ҳасабала,  ишәарҭам алагылазаара аиқәыршәараҿы ароль ду нанагӡоит. Ари ароль аҵакы ҷыда амоуп аҭагылазаашьа ҷыдақәа раан: амассатә аилаҩынтәреи,  аибашьреи,  апандемиеи, уҳәа,  еиуеиҧшым аҭагылазаашьа ҷыдақәа раан.

Украина имҩаҧысуа аибашьраан Актәи аканал Украина Ауаажәларратә дырраҭара активла аус ацнауан. Европатәи адырраҭаратә хеилак аҽалархәрала,  аукраин жәлар рыдгыларазы  имаҷымкәа еиуеиҧшым апроектқәа наҳагӡеит,  урҭ иреиун арадиопроектқәагьы», — илҳәеит Ҭинаҭин Берӡенишвили.

Адунеиаҿ раҧхьаӡа акәны арадиодырраҭара иалагеит Америка,  Питтсбург,   1921 шықәса абҵаразы.

Қырҭтәыла раҧхьатәи арадиосигнал иоужьҭын  1925 шықәсазы. Қырҭтәыла арадио  –  ажәытәӡатә радиостанциақәа иреиуп,  уи  98 шықәса рыҩныҵҟа азыӡырҩцәа рымаҵ ауеит.