Жьҭаара 27-28 рзы Қырҭтәыла апарламенттә делегациа алахәылацәа Рига имҩаҧысуаз Балтиатәи Ассамблеиа 41-тәи асессиа рхы аладырхәит.

Аделегациа анапхгаҩы Гьаргь Хелашвили асессиаҿы данықәгылоз, Қырҭтәыла Украина иазаанарҧшуа адгылареи, Қырҭтәыла импыҵахалоу аҵакырадгьылқәа рҿы аҭагылазаашьеи, Урыстәыла агрессиатә политикеи далацәажәеит. Иара иаҵшьны иазгәеиҭеит  арегионаҿ аҭынчра ашьақәыргыларазы Қырҭтәылеи, Европатәи Ахеилаки, НАТОи русеицуреи  Қырҭтәыла европатәи евроатлантикатәи интеграциа апроцесс адгылара аҵаки.

Балтиатәи апарламенттә сессиа рхы аладырхәит Латвиеи, Литвеи, Естониеи, Черногориеи, Польшеи, Исландиеи рпарламентқәа рхантәаҩцәеи, Украина Иреиҳаӡоу  Рада авице-спикери,   Аусеицуреи Ашәарҭадареи рзы Европатәи Аиҿкаара Апарламенттә Ассамблеиа ахадеи, Европарламент авице-ахадеи.