«Зыӡбахәы ҳәоу адокумент ииашаны еиқәыршәоуп ҳәа ҳгәы иаанагоит.  Украина адгыларатә резолиуциа астратегиатә хықәкы амоуп, уи ала аиҩызарала иаҳзыҟоу атәыла адгылара ҕәҕәа азаарҧшуп, уаҟа иаҵшьны иазгәаҭоуп аескалациа ҳшақәыӡбо. Ҳара жәларбжьаратәи ҳпартниорцәа рыбжьагарақәа иазҧхьагәаҳҭоит, аконсультациақәа мҩаҧаагоит», — иҳәеит апарламенттә аиҳара алахәыла  Анри Оханашвили Украина адгыларатә резолиуциа данахцәажәоз.

«Ақырҭуа гәахәтәы» алахәыла Анри Оханашвили ишиҳәаз ала, аоппозициаа Украина адгыларазы азеиҧш резолиуциа адкылара мап ацәыркит, уи – «заанаҵы ирхәыцыз апровокациатә кампаниоуп».

Иацы,  «Ақырҭуа гәахәтәы» ахаҭарнакцәа Қырҭтәыла апарламент адаргалеит Украина адгыларатә резолиуциа апроект, аха, апарламенттә гәыҧқәа уажәгьы апроект рнапы аҵармыҩӡацт.

Арезолиуциа апроект хьӡыс иамоуп  — «Украина иҟалар зылшо арратә ескалациа иазкны».