Актәи аканал апроект “Европатәи аперспектива” аҳәаақәа ирҭагӡаны ажәабжь ҿыцқәа реиҭныԥсахлара иахьа иалагеит. 2022 шықәса цәыббразы ишьҭыз арзаҳал инақәыршәаны,  Қырҭтәыла Актәи аканал хәажәкыразы аофициалтә апроект иалалеит .

„Европатәи аперспектива“ Европа адырраҭарақәа реидгыла (EBU) аԥшьгарала иалагаз проектуп, уи Европа  иаку акаҭатә ниусрум аԥҵара ауп иаанаго, уа Европа еиуеиԥшым атәылақә ржурналистцәа аус еицыруеит.

„Европатәи аперспектива“ иалоуп: Словениа (RTV), Бельгиа (RTBF), Естониа (ERR), Финлиандиа (Yle), Франциа (France Télévisions), Германтәыла (BR-ARD), Ирландиа (RTÉ), Италиа – (Eurovision Italy), Латвиа  (LSM.lv), Лиетува (LRT), Португалиа (RTP), Испаниа (RTVE), Швециа (SR), Швеицариа (SWI swissinfo.ch), Чехиа (ČT),  иара убас франко-германтәылатәи дырраҭара ARTE, даниатәи аконструктивтә ажәабжь ҿыцқәа ринститути агентра „Франс преси“ (AFP).