«Ампыҵахалатә режим ахаҭарнакцәа закәандарала иааныркылаз Туркменистани Ҭырқәтәылеи ртәылауаа иоурыжьҭит. Уажәазы арҭ ауаа ацентртә напхгара изхылаҧшуа аҵакырадгьылаҿ иҟоуп», — аарыцҳаит Аҳәынҭқарратә шәарҭадара амаҵзура аҟынтәи.

Аусбарҭа адыррала, зыӡбахәы ҳәоу ауааҧсыра закәандарала иаанкылан импыҵахалоуц ақыҭа Цинагара иазааигәаны.

«Туркменистани Ҭырқәтәылеи ртәылауаа  закәандарала раанкылара иазку аинформациа анҳауҵәҟьа,  зыҧшра ҟамҵакәа,  Ацәаҳәа ҷыда аус аҳаруит.

Қырҭтәыла ацентртә напхгара рнапаҿы иҟоу амеханизмқәа зегьы рхы иадырхәит.   Жәларбжьаратәи апартниорцәеи Женеватәи адискусииақәа реицхантәаҩцәеи зыҧшра ҟамҵакәа адырра раҳҭеит. Закәандарала иаанкылаз  ауааҧсыра ирласӡаны рхақәиҭтәразы амеханизмқәа зегьы ахархәара рыҭан», — иануп Аҳәынҭқарратә шәарҭадара амаҵзура аинформациаҿы.