Аҳәынҭқарратә аиҿкаарақәа ааба Евроеидгыла 12 абжьагарақәа рынагӡара иазку азеиҧш ахәшьараҭаратә документ еиқәдыршәеит.

Адокументаҿ иарбоуп 2023 шықәса ажьырныҳәа 15 инаркны мшаҧы 30-нӡа Қырҭтәыла аиҳабыра ирымаз апрогресси, уажәтәи аҭагылазаашьеи, наҟ-наҟ иҟарҵараны иҟоу ашьаҿақәеи.

Аӡыргараҿ иҟан атәылауаҩратә уаажәларреи, аполиткиатә гәыҧқәеи, адипломатиатә корпуси, егьырҭ иазҿлымҳау аганқәеи рхаҭарнакцәа.

Ауаажәларратә еиҿкаарақәа рыхәшьара инақәыршәаны,  уажәазы аҵыхәанӡа инагӡоуп аҳәарак,  бжеиҳарала инагӡоуп 2 аҳәарак,  хәҭала инагӡоуп 4 аҳәарак,  Евроеидгыла 5 аҳәарак макьана инагӡатәуп. Дара ражәақәа рыла,   2023 шықәса ажьырныҳәа 15 инаркны мшаҧы 30-нӡа  абжьагарақәа рынагӡара  аганахьала акрызҵазкәа апрогресс иҟамызт.

Адокументаҿ иарбоуп абарҭ аиҿкаарақәа рыхәшьара: афонд  «Иаарту ауаажәларра», «Адемократиа аҭҵааратә институт», «Georgian Court Watch», «Қырҭтәыла адемократиатә инициатива», «Қырҭтәыла астратегиатәии жәларбжьаратәии еизыҟазаашьақәа рыҭҵаара афонд», «Анапхгараҭара амониторинг ацентр», «Қырҭтәыла ареформақәа рзы ассоциациа», «Ауаҩытәыҩса изинқәа рзы аусеицура», «Саҧари».