Иҿыцу ҩҭҵаарак рыла, Америка ауааԥсыра реиҳара Урыстәылеи Украинеи реибашьра ахырқәшара азҵаараҿ ахада Дональд Трамп изнеишьа иақәшаҳаҭым.

CNN аланарҵәаз аҭҵаара инақәыршәаны, америкаа 59% ргәы шаанаго ала, Дональд Трамп изнеишьа Украина кыраамҭатәи аҭынчра азаагара азлшом, 41% ргәы шаанаго ала Трами аҭнычра ашьақәыргылара илшар ҟалап.

59% иргәаԥхом Дональд Трамп ЕАШ-и Урыстәылеи реизыҟазаашьақәа рҿы иҟаиҵо ашьаҿақәа.

Еиԥшу асахьа аанарԥшит Quinnipiac-гьы. Алхыҩцәа Дональд Трампи Володимир Зеленскии Аҩны шкәакәаҿ ирыбжьалаз аимак ргәамԥхеит, 58% Трамп ихымҩаԥгашьа ргәамԥхеит, 35% – иргәаԥхеит.

CNN аҭҵаара хәажәкыра 6-9 рзы еилахәыра  SSRS мҩаԥнагеит. Аҭҵаара рхы аладырхәит 1206-ҩык атәылауаа.

Quinnipiac аҭҵаара хәажәкыра 6-10 рзы мҩаԥнагеит. Аҭҵаара рхы аладырхәит 1 198-ҩык атәылауаа.