Қырҭтәыла адәныҟатәи аусқәа рминистр Мака Бочоришвили раԥхьаӡатәи аофициалтә визитла Қарҭ иҟоу Узбекистантәи лколлега Бахтиор Саидов диԥылеит.

Қырҭтәыла адәныҟатәи аусқәа рминистрра излаанацҳауа ала, аҩ-ҳәынҭқаррак рыдәныҟатәи аусқәа рминистрцәа аиԥылараҿы ирылацәажәеит Қырҭтәылеи Узбекистани ирыбжьоу аиҩызиаратә еизыҟазаашьақәеи аусеицуратә еизыҟазаашьақәеи. Иара убас иазгәаҭан аҵыхәтәантәи аамҭазы инагӡо иреиҳау аҩаӡара змоу авизитқәа аизыҟазаашьақәа рырӷәӷәаразы шҳырхагоу.

Адәныҟатәи аусқәа Рминистрра аинформациала, Қырҭтәыла авизит аҳәаақәа ирҭагӡаны, Узбекистан адәныҟатәи аусқәа рминистр  дырԥылоит Қырҭтәыла Ахада Михаил Ҟавелашвили, аԥыза-министр Иракли Кобахиӡе, Апарламент ахантәаҩы Шьалуа Папуашвили, Аекономикеи ишьақәгылоу аҿиареи рминистр Мариам Қвривишилии, Аҭҵаара аминистр Гиви Миқанаӡе.