Қырҭтәыла аҧыза-министр Иракли Кобахиӡе идуӡӡоу аинвестициатә еилахәырақәа иреиу аилахәыра  DAMAC Properties ашьаҭакҩы Ҳусеин Саџьвани диҧылеит.

Аиҧылараҿы аганқәа рхаҭарнакцәа Қырҭтәыла аекономикатә азҳара арбага дуи Иеиду Арабтәи Аемиратқәа идуӡӡоу аинвестициатә еилахәырақәа Қырҭтәыла қәҿиарала русуреи иалацәажәеит.

Иаҵшьны иазгәаҭан атәылаҿ еиқәыршәоу абизнеслагылазаара бзиеи аинвестициатә алшарақәеи, ари аганахьала ҷыдала иалкаан  асасдкыларатә сектори иеиҭамҵуа амал асектори аинвестициақәа ралаҵара аганахьала иҟоу апотенциали атуристтә сектор аҿиара адинамикеи.

Аҩ-ганк иаҵштны иазгәарҭеит наҟ-наҟ аусеицура арҭбаара ишазҿлымҳау.

DAMAC-гәыҧ – Ааигәатә Мрагылараҿы асасааирҭатә сектори иеиҭамҵуа амал асектори рҿы аҧхьагылара змоу адевелоперуп, ари аилахәыра 15 ҳәынҭқаррақәа рҿы аус ауеит, шықәсыкала 4 миллиард адоллар еиҳаны ахашәала амоуп, аилахәыраҿ аус руеит  4 нызқьҩык иреиҳаны.

Аиҧылара рхы аладырхәит Қырҭтәыла аекономикеи иҭышәынтәалоу аҿиареи рзы аминистр Мариам Қвривишвилии, аиустициа аминистр Паата Салиеи, аиҳабыра радминистрациа аиҳабы Леван Жоржолиании.