Նաթիա Թուրնավան հայտարարում է, որ կետային սահմանափակումները կպահպանվեն մինչև փետրվարի 1-ը
Նաթիա Թուրնավան հայտարարում է, որ կետային սահմանափակումները կպահպանվեն մինչև փետրվարի 1-ը

Համակարգող խորհրդի նիստում ընդունել ենք որոշում, որ կետային սահմանափակումները պահպանվեն մինչև փետրվարի 1-ը,- այս մասին միջգերատեսչական համակարգող խորհրդի նիստից հետո կայացած ճեպազրույցում, հայտարարել է Վրաստանի էկոնոմիկայի և կայուն զարգացման նախարար Նաթիա Թուրնավան:

«Գիտեք, որ համատեղ ջանքերի արդյունքում, առողջապահության ոլորտի և ընդհանուր առմամբ կառավարության թիմի ջանքերի արդյունքում, մենք ունենք ամենօրյա վարակման վիճակագրության որոշակի կարգավորում և կայունացում: Սա բավականին մեծ ձեռքբերում է: Այնուամենայնիվ, ամենօրյա վարակների քանակը դեռ բարձր է: Մենք տեսնում ենք, թե ինչ է կատարվում Եվրոպայում, որտեղ երրորդ ալիքի որոշակի նշաններ կան, և եվրոպական մի շարք երկրներ այս օրերին խստացնում են կանոնակարգերը: Այդ պատճառով մենք քննարկեցինք խորհրդի նիստում և որոշեցինք պահպանել ռեժիմը, որն առկա է այսօր, կետային սահմանափակումները պահպանել մինչև փետրվարի 1-ը: Մեր խնդիրն է օգտագործել մնացած երկու-երեք շաբաթը` փետրվարի 1-ից առաջ, որպեսզի շատ ակտիվ հաղորդակցություն ունենանք բիզնեսի հետ և պատրաստվենք ավելի անվտանգ բացումներին, ինչպիսիք են առևտրի ոլորտը և հասարակական տրանսպորտը», – հայտարարել է Նաթիա Թուրնավան:

Նախարարի խոսքով, բիզնեսի ներկայացուցիչների հետ հանդիպումներն անց են կացվում ամեն օր:

«Իմ տեղակալները, աշխատանքի տեսչության պետը, առողջապահության նախարարության ներկայացուցիչները աշխատանքային հանդիպումներ կունենան ոչ պարենային առևտրի և տոնավաճառների ներկայացուցիչների հետ: Մենք պետք է քննարկենք նրանց հետ մինչև փետրվարի 1-ը և համոզվենք, որ բոլոր չափանիշները բավարարված կլինեն: Ի դեպ, նախաամանորյա շրջանը ցույց տվեց, որ առևտրի արդյունաբերությունը բավականին մեծ պատասխանատվություն է ստանձնում այդ չափանիշների համար: Կարող են լինել լրացուցիչ պահանջներ, որոնց շուրջ մենք կհամաձայնվենք նրանց հետ, և այս ամենը կհանգեցնի բացման ավելի անվտանգ շրջանի, որը, հուսով ենք, կսկսվի փետրվարից: Մենք շատ լավ հասկանում ենք, որ ոչ պարենային առևտուրը և քաղաքային տրանսպորտը բավականին զգայուն թեմաներ են և դա է մեր գերակայությունը: Մենք այս ուղղությամբ հրատապ հանդիպումներ ենք անցկացնում ՝ նոր չափանիշներ ներդնելու և փետրվարից սահմանափակումները մեղմելու համար, նպատակահարմար, իրատեսական և չվնասելու ստատուս քվոն, որը ունենք համավարակաբանորեն», – հայտարարել է Նաթիա Թուրնավան:

Թողնել մեկնաբանություն