Երբ խոսքը վերաբերում էր այս տուգանքների կիրառմանը, մենք բոլորս լավ գիտեինք, որ դա անհրաժեշտություն էր, որը ստեղծվել է արտակարգ և համավարակային իրավիճակի արդյունքում: Քանի որ մենք ունենք մի իրավիճակ, երբ բնակչությանը կարող է որոշակի թեթևացում ցուցաբերվել այս ուղղությամբ, իհարկե, հետաձգում չի լինի, – այս մասին կովիդ-կարգավորումների խախտման համար դուրս գրված տուգանքների համաներման կապակցությամբ, հայտարարել է խորհրդարանական մեծամասնության անդամ Միխեիլ Սարջվելաձեն:

Նրա խոսքով, ենթադրությունները, թե կովիդ համավարակի պատճառով դուրս գրված տուգանքների համաներումը կարող է կապված լինել ընտրությունների հետ, ճիշտ չէ:

«Եթե մենք ամեն ինչից հրաժարվեինք, եթե ավելի ուշ արվեր, այդ մասին ավելի շատ խոսք կլիներ ընտրություններից առաջ: Մենք խոսում ենք ժամանակավոր իրադարձության մասին, որի անհրաժեշտությունն այս պահին բարեբախտաբար այլևս չկա: Ես շատ հուսով եմ և ցանկանում եմ, որ դրա անհրաժեշտությունը կրկին չլինի: Վաղը խորհրդարանի բյուրոյի նիստում կներկայացվի կառավարության օրենսդրական փաթեթը, համաձայն որի,  համավարակով պայմանավորված կանոնակարգերը խախտելու համար քրեական պատասխանատվության ենթարկված անձանց համաներում է շնորհվել: Բացի այդ, կովիդ կանոնակարգերը խախտելու համար տուգանված քաղաքացիներն ազատվում են վարչական տուգանքներից և տուգանքներ վճարելու պարտավորությունից», – հայտարարել է Սարջվելաձեն: