Ընտրությունների հետաձգման ոչ մի հիմք գոյություն չունի, դրա մասին նույնիսկ միտք չկա. Գիորգի Գախարիա
Ընտրությունների հետաձգման ոչ մի հիմք գոյություն չունի, դրա մասին նույնիսկ միտք չկա. Գիորգի Գախարիա

Այսօրվա դրությամբ ընտրությունները հետաձգելու հիմք չկա, դրա մասին նույնիսկ միտք չկա: Սա պաշտոնական դիրքորոշումն է,- այս մասին կառավարության նիստից հետո հայտարարել է Վրաստանի վարչապետ Գիորգի Գախարիան:

Նրա խոսքով, նախընտրական շրջանում ցանկացած հարց օգտագործվում է քաղաքական շահարկումների համար: Միևնույն ժամանակ, ինչպես նշել է վարչապետը, համավարակը համաշխարհային մարտահրավեր է, որը պետք է միավորի ամբողջ Վրաստանը:

«Մենք դեմ չենք որևէ ձևաչափի, ցավոք, բավականին թունավոր նախընտրական պայմաններում,ցանկացած հարց օգտագործվում է քաղաքական շահարկումների համար: Մենք դրա ժամանակը չունենք: Մենք երբեք չենք քաշվում խոսել ընդդիմության հետ, հատկապես երկրի համար միավորող հարցերի շուրջ: Նորմալ երկրում և նորմալ իրավիճակում նմանատիպ գլոբալ մարտահրավերը պետք է դառնար միավորող թե ընդդիմության,և թե ամբողջ Վրաստանի: Դա տեղի ունեցավ, որոշ բացառություններով, երբ որոշ մարդկանց երբեմն դուր չէր գալիս թեստերի քանակը, կամ մեկ այլ բան, սահմանափակումների հաստատումը և այլն: Այս ամենը չպետք է լինի շահարկման առարկա: Մենք միշտ պատրաստ ենք ցանկացած իմաստալից երկխոսության:

Ինչ վերաբերում է ընտրություններին, ապա այսօրվա դրությամբ ընտրությունները հետաձգելու հիմք չկա, դրա մասին նույնիսկ միտք չկա: Սա պաշտոնական դիրքորոշումն է: Մենք կառավարում ենք ենք այս գործընթացը, չնայած այն հանգամանքին, որ վարակվածների թիվն ավելանում է »,- հայտարարել է Գիորգի Գախարիան:

Թողնել մեկնաբանություն