Аҧыза-министр Иракли Ҕарибашвили Қырҭтәыла иҟоу Жәларбжьаратәи авалиутатә фонд еснагьтәи ахаҭарнак Селим Чакир диҧылеит.

Аганқәа рхаҭарнакцәа апандемиа амшала атәылаҿы иҟоу аҭагылазаашьа иалацәажәеит. Иракли Ҕарибашвили Селим Чакир ҭабуп ҳәа иеиҳәеит апандемиа иахылҵыз иуадаҩӡоу аамҭазы, апандемиа аҿагыларазы Жәларбжьаратәи авалиутатә фонд аҟынтә Қырҭтәыла иаиуз ацхырааразы. Ишазгәаҭаз ала, атәылаҿы авакцинациа мҩаҧысуеит, аекономика аиҭашьақәыргылара иалагахьеит, уи убарҭоуп актәи аквартал адыррақәа рылагьы, убри аҟынтә, 2021 шықәсазы аекономикатә азҳара иадҳәаланы апозитивтә азҧхьагәаҭарақәа рыҟаҵара ҟалоит.

Аиҧылараҿы хшыҩзышьҭра азун Жәларбжьаратәи авалиутатә фонд ала қәҿирала ихыркәшоу ҧшьышықәсатәи апрограмма. Иракли Ҕарибашвили ишиҳәаз ала, зыӡбахәы ҳәоу апрограмма аҵакы ду аман, уи аиҳабыра рекономиатә гәыҧ ирыцхрааит акризис алҵра иазку астратегиа аиқәыршәареи анагӡареи аҿы. Аиҳабыра рнапхгаҩы иҳәамҭала, апандемиа шыҟоугьы, аиҳабыра иакымкәа зҵакы дуу ареформақәа мҩаҧыргеит, урҭ рыбжьара – атәанчахә аиндексациеи ахашәала азы ашәахтә архынҳәра автоматтә системеи. Аиҧылараҿы ишазгәаҭаз ала, ари ахырхарҭала активла аусура нарыгӡоит.

Иара убас, аиҧылара алахәылацәа, Аҧыза-министр иинициативала еиқәыршәаз, атәыла аҿиара жәашықәсатәи аплангьы иазааҭгылеит. Аҧыза-министр Иракли Ҕарибашвили ишиҳәаз ала, аплан қәҿиарала инагӡазарц азыҳәан, Жәларбжьаратәи авалиутатә фонди Аҿиаразы апартниорреи активла ари апроцесс иалахәызароуп.