«Бæстæйæн  у тынг æфхæрæг, кæцыдæриддæр гоймæгтæ сылгоймæгтæм æмæ йæ  сывæллæттæм кæй  æртъхъирæнтæ кæнынц  уый, манипуляци куы кæнынц  æфсæддон тыхы  номæй,  кæцы сæрмагондæй  мæнæн у  гуырдзиаг æхсардзинады æмæ иузæрдыгдзинады символ» – райхъусын кодта  Гуырдзыстоны президенттæм хæдбар кандидат Саломэ Зурабишвили кæцы  банысан кодта цæмæй  зæгъгæ «Националон Змæлдимæ» баст  уæнгтæ йæм, уымæ  æмæ йæ  хъæбултæм æртъхъирæн кæнынц  физикъон скуынæгæй.

Саломэ Зурабишвилийы  аргълæвæрдæй,   идентон текстытæ  социалон хызæгты  амонынц уый, æмæ  æртъхъирæнтæ,  кæцыты  æндæр æмæ æндæр уæнгтæ  æрвитынц,   фактонæй  фыст сты  иу коллективон  планæй.

«Ацы архæйдтæй   арызт æрцыд ноджы иу къахдзæф, цæмæй  бæстæйы  уавæр  фæкарз уа æмæ  сцырын уа  фыдзæрдæдзинады атмосферæ, кæцыйы  æрвылбойнонæй  хайад истой  æмæ исынц иу конкретон политикон тыхы  мидæггаг æмæ  æддаг политикъон лидертæ, телеакæнджытæ æмæ   сæ фарсхæцджытæ» – райхъусын кодта Саломэ Зурабишвили.

Йæ ныхæстæм гæсгæ,  уый ныридæгæн  баздæхтис  мидхъуыддæгты министрадмæ  æмæ æмбæлон уагдæттæм,  цæмæй ацы æртъхъирæнтыл  æмбæлон реагирдзинад  сырæза.

«СИдын мидхъуыддæгты министрадмæ æмæ алы æндæр æмбæлон  уагдонмæ,   цæмæй  æнæаргъæвгæйæ  среагир кæной   фæнысангонд факттыл, цæмæй  афоныл  превенци скæной алы  хъавд, кæцы здæхт уыдзæн  дестабилизаци æмæ змæстыты сцырын кæныны æрдæм.  Уымæй  дарддæр ма  сидын  æхсæнадон  æмæ  æнæхицауадон  организацитæм, кæцытæ хæсджын сты, паддзахадон  уагдæттимæ иумæ, хъахъхъæной  сабырадон разæвзарæнон  уавæр» – дзуры  Зурабишвили.

Гуырдзыстоны президенттæм хæдбар кандидат Саломэ Зурабишвили,  хъусын кæны, цæмæй  йæм йæхимæ æмæ йæ хъæбултæм  æртъхъирæн кæнынц.