«Гуырдзиаг Бæллицц»  премьер-министртæм  кандидатæй  бавдыста  Ираклий Гъарибашвилийы.  Уый фæдыл  уынаффæ парти «Гуырдзиаг Бæллицц- Демократон  Гуырдзыстоны» политикон  советы  абоны рабадтыл  рахастой.

Партийы  сæрдар Иракли Къобахидзе  брифингыл  куыд  фехъусын  кодта афтæмæй,   Гъарибашвилийы   премьер-министртæм  кандидатæй  бавдисыны фæдыл  уынаффæ зæгъгæ политсовет æмхъæлæсонæй рахаста.

«Абон ацыдис партийы  политикон советы рабадт,  кæцыйыл   ист æрцыд скуыддзаг   премьер-министртæм  кандидаты бавдисыны фæдыл.  Мæхи куыд   партийы  сæрдары  бавдисыны  бындурыл,  политикон совет æмхъæлæсонæй   рахаста  уынаффæ   премьер-министртæм  кандидатæй  Ираклий Гъарибашвилийы   бавдисыны тыххæй.  Алчи дзæбæх  зонæм, цæмæй  Ираклий Гъарибашвили   у «Гуырдзиаг Бæллиццы»  бындурæвæрæг  æмæ иуæй-иу  лидер, кæцы нæ бæстæйæн иттæгнысаниуæгджын периоды ахста    сæрыфыццагæй   мидхъуыддæгты  министры, уый фæстæ та – премьер-министры  пост, ныр  та  уый  уыдис  хъахъхъæнынады  министр.  Йæ министрæй  уæвыны   æмæ премьер-министрæй уæвыны периоды сыххæст ис  иттæг нысаниуæгджын реформæтæ.   Уый у тынг фæлтæрд  профессионал, кæцыйæн  йæ бон у  хицауадæн разамынд кæнын   æмæ  уыцы  быцæусидтытыл фæтых уыныл аудын, кæцыты раз лæууы нæ бæстæ.  Фæнды мæ  æнтыстытæ  йын  раарфæ кæнон Ираклий Гъарибашвилийæн   премьер-министры  бынатыл.  Хицауады ног сконд  сбæлвырд уыдзæн   законæй  бæрæг цыбырдæр æмгъуыдтæм» –  райхъусын кодта Ираклий Къобахидзе.

Премьер-министртæм  кандидаты   бавдисын  уый фæстæ бахъуыд,  Гиорги Гахариа  йæ постæй  йæхи куы суæгъд кодта.  Куыстуагъды  фæдыл Гахариа   фидиуæн    сарызта хицауады   администрацийы абоны брифингыл .

Ираклий Гъарибашвили  Гуырдзыстоны премьер-министры  пост  2013 азы  20  ноябрæй   2015  азы  24   декабры онг ахста.