Полици хъахъъхæндзæн  алы адæймаджы бартæ æмæ цæхгæр  кæрон скæндзæн  кæцыфæнды барадсаст, –  уый фæдыл  Гуырдзыстоны мидхъуыддæгты министр Гиорги Гахариа  райхъусын кодта  Самегрело-Уæллаг Сванеты муниципалитетты мэртимæ æмæ сакребулоты  сæрдæрттимæ  фембæлды фæстæ Зугдиды.

Гуырдзыстоны МХ министры ныхæстæм гæсгæ  Самегреломæ йæ визиты нысан уыд регионы æдасдзинады  контексты уавæры  фалгæсын.

«Куыд æй зонут, афтæмæй  мидхъуыддæгты министрад æввонг кæны сабырадон æмæ   æдас  уавæр  æвзæрстыты ауадзынæн.  Мах бахъом стæм уый саразын  фыццаг туры æмæ  афтæдæр бахъом уыдзыстæм  дыккаг  туры дæр. Мæ  визиты нысан уыд цæмæй  бахыгъд кодтаиккам   куыд ацыдысты æвзæрстытæ  Самегрелойы, цы хъуамæ  саразæм  не мбæстæгты  æдасдзинад  фæтыхджындæр кæнынæн сабырадон æвзæрстыты ауадзыны контексты.  Мæхимæ райстон, Гуырдзыастоны æппæт территорийыл æвзæрстыты сабырæй  ауадзыныл  аудæг кураторы хæстæ.  Уый  мын бахæс кодта  премьер-министр.  Полици  хъахъъхæндзæн  алы  адæймагы бартæ æмæ цæхгæр кæрон кæндзæн  кæцыфæнды барадсаст», – райхъусын кодта  Гиорги Гахариа.

Журналистты фарстайыл – кæцы контексты  ракой  кодта Гиорги Гахариа æвзæрстыты рæстæджы  æдасдзинадыл  фарстайы, баст у æви нæ  уыцы фарста   Самегрело оккупацигонд территоримæ  хæстæг кæй у уыйимæ,   мидхъуыддæгты министр   банысан кодта,   цæмæй  зæгъгæ  Самегрелойы  æвзæрстыты  сабырадон  уавæры ауадзын у  сæрмагондæй сенситивон фарста.

«Зонут æй Зугдиды  кæй  стæм. Ардыгæй  цалдæр километры –  рæстæгмæ  дихгæнæг хахх ис, æмæ уымæй æвзæрынц  уæлæмхас рискъытæ.  Фылдæр сенситивон кæны   ам  æвзæрстыты  сабырадонæй ауадзын.  Цæй  зæгъын æй  хъæуы  мах  ууыл  цырын кæнæм сæрмагонд хъусдард»,- райхъусын кодта  Гиорги Гахариа.