Дональд Трампы администраци, «Цъæх картæты» алæвæрды æгъдау карздæр кæны
АИШ-ы президенты, Дональд Трампы администраци, «Цæъх картæты» алæвæрды æгъдау карздæр кæны. Ног инициативæмæ гæсгæ, «Цъæх картæтæ» нæ райсдзысты уыцы имигранттæ, кæцытæ паддзахадæй исынц социалон æххуыс. Дзырдæуы медицинон, хæлцадон, цардуагы æмæ социалон æххуысы æндæр программæты баст мигранттыл.
Америкаг медийы хъусинагæй, ивдтытæ баххæсдзысты уыцы адæймæгтæм, кæцытæ АИШ-ы уæвынц æмæ бæстæйы цæырыны бар райсын архайынц.
Ног миграцион уагæвæрды фæдыл пресс-конференцийыл АИШ-ы æмбæстагдзинады æмæ имиграцийы куысты директорты хæстæ æххæстгæнæг Кен Кучинелли фæныхас кодта.
Ног инициативæ 15 октябрæй абцæудзæн йæ тыхмæ, кæцымæ гæсгæ дæр АИШ-ы цæрыны бар райсын а.х. хæдбындур имигранттæн уыдзæн сæ бон, кæцытæ баст не сты паддзахадон ресурстыл.
«Хицауадон хардзты фæдыл уагæвæрдæй, президент Трампы администраци тыхджындлæр кæны амалхъомдзинады æмæ персоналон бæрны идеалтæ æмæ ифтонг кæны уый, цæмæй мигранттæ сæхиуыл аудын хъом уой, цæмæй æнтыстджын бауой ам Америкæйы» – райхъусын кодта Кен Кучинели.
Йæ ныхæстæм гæсгæ ног инициативæ ифтонг кæны уый, цæмæй АИШ-ы легалонæй цæрдзысты уыцы уæнгтæ, «кæцытæн сæ бон уыдзæн сæхи къæхтыл лæууын æмæ кæцытæ нæ уыдзысты баст социалон ифтонгады системæйыл».
Агентад «Ройтер» куыд фыссы афтæмæй, Трампы администрацийы ног инициативæ скусын кæныны цауы, «Цæъх Картæйы» аппликантты æрдæгæй фылдæр, æппæрццаг дзуапп райсдзæн. Фæнысан кæнинаг у, цæмæй 2016 азы, дунейы 800 мины онг «Цæъх Картæ» æрцыд лæвæрд.