«Скæсæн хурæн сæрибардзинад» – ахæм æркуырдæй, журналисттæ Батумы слестгæнæн изоляторы цур протест кæнынц. Нетгазети æмæ Батумелебийы бындурæвæрæг æмæ директор Мзиа Амаглобелийы уголовон аххосаг æмæ ахæстоны фæбадыны ныхмæ æрмæст бынæттон медийы фæрæзтæ нæ фæлæ ма æндæр æмæ æндæр регионтæй æмæ сæйраг сахары медийы организациты журналисттæ æмæ минæвæрттæ дæр протест кодтой.

Протесты хайадисджыты ныхасмæ гæсгæ, Амаглобелийы ахсты факт æвдисæн у, цæмæй хицауад сæрибар ныхасы ныхмæ тох кæны. Сæ аргълæвæрдмæ гæсгæ, «Батумæлеби» у ахæм рауагъдад, кæцы хицæн кæны объективондзинад æмæ рæстагдзинады принциптыл хæцынæй æмæ йын бантыст дыууæ дæс азæй фылдæр уæлдæр авторитет райсын, кæцы хицауадæн у серьезон æнæнцойдзинад.

«Мзиа Амаглобелийы ахст нысан кæны, цæмæй райсом ацы системæ алы уæздан адæймагы æрцахсдзæн, æнæ исты аххосаг ссаргæйæ», – зæгъы «Батумæлеби»-йы сæйраг редактор Турадзе Этер.

Прокуратурæ, интернет-рауагъдад «Нетгазети» æмæ «Батумæлеби»-йы бындурæвæрæг Мзиа Амаглобелийы аххосджын кæны уголовон кодексы 353-æм статьямæ гæсгæ, кæцы полицийы кусæгыл æхсты тыххæй дзуры. Хъуыдтагы профилактикон мадзалыл тæрхондон райсом æруынаффæ кæндзæн.