Жозеп Борел - Æрныхас кодтам, цæмæй 15 мин украинаг æфсæддон Евроцæдисы территорийыл ацæудзæн бацæттæйы къурс
Евроцæдисы фæсарæн хъуыддæгты министртæ Украинайы гарзджын тыхтæн фарсхæцынæн æфсæддон æххуысы мисси саразыныл æрынхас кодтой. Миссийы фæлгæтты, Евроцæдсиы территорийыл бацæттæ кæндзысты 15 мин украинаг æфсæддоны. Æмбæлгæ уынаффæ Евроцæдисы фæсарæн хъуыддæгты министртæ Люксембургы ацæугæ фембæлдыл рахастой.
Европаг Советы фидиуæнæй, мисси сифтонг кæндзæн Украинаг æфсæддæтты индивидуалон, коллективон æмæ спецализацигонд бацæттæйы курс. Миссийы штаб уыдзæн Брюсселы.
Миссийы сæргълæууæг Евроцæдисы æфсæддон сконды генералон директор Эрве Блежан уыдзæн.
«Фæнды мæ дырысæй зæгъын, Украинайæн фарсхæцын у нæ сæйраг приоритет. Путин саст ййафы политиконæй, моралонæй, уымæ нæкæсгæ уый дарддæр кæны эскалаци, уый нымæцы æнæхъæн Украинайы фæлгæтты æмбæстагон нысæнттæм бырстытæй. Мах æрныхас кодтам, Евроцæдисы æфсæддон æххуысы мисси саразыныл, Украинайы гарзджын тыхтæн фарсхæцынæй. Бацæттæй курс ацæудзæн европаг зæххыл, миссийы фæлгæтты ахуыр ацæудзысты 15 мины онг æфсæддон. Афтæма æрныхас кодтам уæлæмхасæй 500 милуан евро рауæлдай кæныныл Украинайы иргъæвæг тыхтæн хæстæрмæгæй ифтонгад стынг кæнынæн» райхъусын кодта æддагон политикæйы æмæ æдасдзинады фарстаты Евроцæдисы бæрзонддæр минæвар, Жозеп Борел.