Украинайы  президент  Володимир Зеленски  Каховкæйы ауазæны   спырхы фæстиуæгæн   зиангонд  Херсоны регионмæ ныццыд.

Уый фæдыл   Зеленски фыссы  социалон хызæгты.

«Кусæн визит Херсонмæ.   Координацион   уынаффæ  Каховкæйы   ауазæны  спырхы фæстиуджытæ  ликвидаци скæныны фæдыл.   Бирæ  нысаниуæгджын  фарст ис:  катастрофæйы  фæстиуæгæн   регионы   сырæзт оперативон  уавæр,  сады   потенцион   зонæтæй   цæрджыты   эвакуаци, ауазæны  спырхы  фæстиуæгæн   расайгæ  уæлвæтк уавæрты  ликвидаци, цад территориты ифтонгад.  Афтæма  регионы экосистемæйы  сæндидзын кæныны перспективæтæ  æмæ техногенон  катастрофæйы   зонæйы   оперативон  æвсæддон  уавæр»   фыссы Зеленски.

Украинайы  преиздент   куыд банысан кодта атæмæй,   зæгъгæ нысаниуæгджын у   зианы  бахыгъд кæнын æмæ  катастрофæйы  фæстиуæгæн  зианбавзарæг цæрджытæн  компенсацитæ  бафидынæн суммæтæ рауæлдай кæнын.

Украинайы   хицауады хъусинагæй,    Уæрæсейы  тыхтæ  цæугæдон Днепрыл  уæвæг   Каховкæйы  гидроэлектростанцæйы  ауазæн  6 июны, боныцъæхыл  спырх кодтой, кæцыйы фæстиуæгæн  цæугæдон дыууæдæр былыл  дæсгай  цæрæн пункт сцад ис.