Украинайы мидхъуыддæгты министры  уынаффæгæнæг   Антон Геращенкойы информацийæ, Уæрæсейы æрдгæй сæххæст    бырсты рæстæджы, ирайнаг дронтæй  сæ иу  сæмбæлд цæрæн хæдзарыл. Ацытæккæ  бынатыл кусынц  ирвæзынгæнджытæ.

Антон Геращенкойы  дзырдæй,  Уæрæсейы   бырсты   нысан уыд  Киевы  уæвæг   критикон   инфраструктурæйы объект.

«Дронты стыр хай  Киевы зылды  æрыппæрстой, фæлæ  сæ иуæй-иутæ   Кевмæ уæддр  бахæццæ  сты. Нысан  уыдис Киевы центры  уæвæг   критикон инфраструктурæйы  объект.  Дронтæй  сæ иу  сæмбæлд цæрæн хæдзарыл. Ис нысаниуæгджын пырх. Бынатыл кусынц  ирвæзынгæнджытæ. Кæлддзæгтæ  куы ныссыгъдæг кæндзысты,  уый фæстæ  фылдæр информаци уыдзæн бæрæг» – райхъусын кодта Геращенко.

Министры уынаффæгæнæджы  дзырдæй,  бырстыл бæрн  æвæрд цæуы  афтæдæр  ирайнаг адæмыл, уымæн æмæ  æххуыс кæнынц  Уæрæсейы  хицауадæн.