Турчы æфсæддон-уæлдæфон тыхтæ Иракъы цæгаты «Курдистаны кусджыты партийы» 40-æй фылдæр объекты скуынæг кодта
Турчы æфсæддон-уæлдæфон тыхтæ Иракъы цæгаты «Курдистаны кусджыты партийы» 40-æй фылдæр объекты скуынæг кодта.
«28 ноябры æхсæвы, Иракъы Асосы районы Турчы авиаци скуынæг кодта, сепаратистон- террористон организацийы объекттæ. Бындзагъд сты террористты 41 объект, уый нымæцы хиæмбæхсæнтæ æмæ тунелтæ» – дзырдæуы Турчы гарзджын тыхты генералон штабы фидиуæны.
Ахæлиугонд информацийæ, æфсæддон операцийы хайадисæг авиакуынæггæнджытæ æмæ æнæпилотон тæхæг аппараттæ, базæтæм æрыздæхдтысты æххæстæй. Турчы æмæ «Курдистаны кусджыты партийы» æхсæн гарзджын конфликт, 2015 азы июлы сног ис.