Тбилисы абонæй скусдзæн медикаментты 500 ларийы аргъы ваучерты программæ
Цæугæ азы иуæй-иу фыццаг программæ, кæцы абонæй скусдзæн, у медикаменттыл 500 ларийы аргъы ваучерты программæ? – уый фæдыл сæйраг горæты мэр Каха Каладзе муниципалитеты хицауады абоны рабадтыл райхъусын кодта.
Йæ ныхæстæм гæсгæ, ацы программæйы бенефициартæ Тбилисы регистрацигонд пенсион кары уæнгтæ уыдзысты, кæцыты бинонты социалон рейтингон балл 200 000-æй фылдæр нæу.
«Ай иухаттон нæ фæлæ, æрвылазон ваучер у, кæцыйæ спайда кæнын бенефициартæн сæ бон у куыд сæ бафæнда, кæнæ дохтыры сын цы барфыст ратта уымæ гæсгæйæ, æнæхъæн азы дæргъы, цалынмæ лимит нæ фæуыдзæн, уæдмæ. Æмбæстæгты, ваучер райсынæн, мэримæ кæнæ районы гамгеобамæ бацæуын нæ бахъæудзæн æмæ критеритæм æмбæлондзинады цауы, автоматонæй суыдзысты программæйы бенефициартæ», – райхъусын кодта Каха Каладзе.
Хицауады рабадтыл сæйраг горæты мэр фæнысангонд ваучер æмæ информацион буклет бавдыста, кæцыйы байуарын бахæс кодта гамгеобаты кусджытæн .
«Ваучерæй спайда кæнынæн программæйы бенефициар кæнæ йæ минæвар хъæугæ медикаменттæ сбæрæг кæныны нысанæй, баздæхдзæн дохтырмæ. Уый пациенты æнæниздзинады уавæры фæдыл æвдисæнгæххæт, кæцыйы бавдыст уыдзæн хъæугæ медикаментты ранымад æмæ бæрц, сæвæрдзæн программæйы электронон модулы. Уый фæстæ бенефициар кæнæ йæ минæвар телефоны номырыл райсдзæн специалон код æмæ гоймагы æвдисæндар бавдисгæйæ, уымæн фæндæн афтекмæ бацæудзæн. Уыцы цауы кæд æмæ бенефициары æвзæрст афтекы æххæстæй нæ уыдзæн æнæниздзинады æвдисæнгæххæты ранымад медикамент, бенефициарæн йæ бон уыдзæн баззайгæ медикаменттæ æндæр афтекы кæнæ та цъус фæстæдæр райсын. Бенефициар кæнæ йæ минæвар афтекæй медикаменттæ код райсынæй 30 бонмæ хъуамæ рахæссæд», – банысан кодта Каха Каладзе.
Афтæма йæ ныхæстæм гæсгæ, Тбилисы мэрийы æнæнизхъахъхъæды æмæ социалон лæггады горæты куыст программæйы райдаыны æмæ сыххæсты фæдыл информаци бавдисыны нысанæн, медицинон уагдæтты æмæ афтекты хызагы минæвæрттæн треинингтæ нырид ауагъдта, цæмæй пенсионертæм лæггад æнæкуылымпыйæ фæхæццæ уа.