Швеци, Швейцарийы басаста хыгъды минималон хъауджыддæрдзинадæй (видео)

2018 азы  дунейы  Чемпионаты æстæмфиналон фембæлды,  кæрæдзимæ  схæцыдысты  Швеци æмæ Швейцари.

Матч  тынг карз  разынд  æмæ  цыппæрæмфиналисты  рабæрæг кодта  дыкккаг таймы   иунæг гол. Пурти  фылдæр уыдис  швейцариæгтæм, фæлæ   æндæогъы  дуæртты   цур   тæссаг   моменттæ   фылдæр уыдис   шведæгтæн.  Хорз  матч  нæ рауад швейцариæгты  лидерæн, Джердан  Шачирийæн.

41-аг минуты   шведæгтæм уыдис тынг хорз момент,   иварон фæзыгы  Зоммеримæ  ныхæй-ныхмæ  баззад   Экъдал, фæлæ  пурти  дуæртты  нæ  фæлæ зæгъæн  ис   стадионы  сæрты   атахт.

Матчы  фыццаг  æмæ   иунæг гол  66-æм минутыл   Эмиль  Форсбергы   цæфы  фæстæ   сæвзæрд.  Иварон фæзыг æддæйæ сæххæстгонд цæф,   Аканджийы  аныжхæвдта  æмæ  Зоммеры  дуæрттæм  басхъиудта.  Гол  банымадтой  Форсбергæн.

Дыккаг  таймы фæстаг  минуттыл  шведæгты   цырд   контратакæ  фæкъуыхцы  кодта  Ланг  æмæ   сырх картæ дæр  расайдта   арбитрæй. Тæрхонгæнæг  сæрыфыццапгæй  пенальти снысан кодта,  фæлæ   видео-абитры   æххуысы руаджы   йæ  уынаффæ  аивдта  æмæ  тæссаг иварон цæф снысан кодта.

Тоивонен   дуæртты æрдæм тыхджын ныццавдта, фæлæ Зоммер  пуртийыл  кæм хъуыдис  уым амбæлд  æмæ  финалон  æхсидт  дæр  айхъустис.

Швеци  цыппæрæмфиналы  ахъаздзæн Англис æмæ  Колумбийы  æхсæн чи фæуæлахиз уыдзæн уыцы  æмбырдгондимæ. Матч  абон 22:00 сахатыл райдайдзæн.

Рафыссут нæ  уникалон аппликаци   FIFA 2018! Android  iOS

Æмæ  уæм уыдзæн фадат,  оперативонæй   базонат  алы  цымидисон  хабаримæ,   матчыты  бæлвырд  ранывæст, фæстиуджытæ  LIVE-режимæй  æмæ  саразат  уæхи сæрмагонд прогноз!

Матчыты  бæлвырд  ранывæзт  -Дунейы Чемпионат  Фыццаг Къаналыл!    

Ныууадз комментари