Гуырдзыстоны паддзахад фидарæй хæцы сабырад бахъахъхъæныны политикæйыл. Абоны уæззау уавæры, сабырдзинадæн хъæуы сæрмагонд тыхархайд, зонд æмæ æнæфæцудгæдзинад – уый фæдыл Гуырдзыстоны парламенты сæрдар Папуашвили Шалва Вазианийы хъахъхъæнынады тыхты бонмæ гæсгæ уагъд мадзалы расидтис.

Йæхи аргълæвæрдмæ гæсгæ, хæсты æмæ провокацийы тæссагдзинадæй хи бахизыны тыххæй паддзахады тыхархайдæн æххуыс кæны гуырдзиаг æфсады хъару, æнæфæцудгæдзинад, хъæбатырдзинад, кæцы кæддæриддæр æмæ алы ран дæр хъахъхъæны йæ райгуырæн бæстæ хиуылхæцгæйæ æмæ хъæбатырдзинадæй, тох кæны фæрсæй-фæрстæм, æххæст кæны æппæт снысангонд хæслæвæрдтæ.

“Мах æнкъарæм ацы удварн, ацы фарсхæцынад, æмæ ацы цæттæдзинад. Махæн алы æфсæддон дæр у зынаргъ æмæ фæдзæхст. Фæстаг æртæ азы дæргъы мах федтам цымыдисдзинад æмæ архайдтытæ, цæмæй стыр бæстæты æхсæн уæрæхмасштабон ныхмæлæуды Гуырдзыстон хæсты аренæйæ рауайа. Алчидæр хъуамæ хорз сахуыр кæна ацы бæлвырд дæнцæг, бамбара, бæлвырдæй цæмæй нæхи бахызтам”, — загъта парламенты сæрдар.

Папуашвили Шалва хæсы æххæстгæнгæйæ хъæбатырæй фæмард æфсæддон службæгæнджыты бинонты уæнгтæ æмæ хиуæттæм фæсидтис.

“Хъахъхъæнынады тыхты бон ма кад кæнæм æфсæддон службæгæнджытæн, кæцытæ хъæбатырæй фæмард сты сæ хæстæ æххæст кæнгæйæ. Сæ хъайтардзинадæй бафидар кодтой нæ бæстæйы сæрибардзинад æмæ хæдбардзинады фидар. Фæнды мæ зæгъын сæ ныййарджытæм, сывæллæттæм æмæ цардæмбæлттæм – уæ сывæллæттæ, уæ фыдтæ æмæ уæ цардæмбæлттæ сты нæ иумæйаг сæрыстырдзинад мах æркъул кæнæм сæ хъæбатырдзинад æмæ нывондæн”.

Ноджыдæр ма иу хатт арфæ кæнын алкæмæн дæр ацы нысаниуæгджын боны, Хъахъхъæнынады тыхты националон боны цытæн, æмæ уын фидарæй зæгъын, кæй сараздзыстæм æппæт дæр, цæмæй бæстæ, райгуырæн бæстæ æмæ паддзахад хъахъхъæнынад уа æппæт æхсæнады иумæйаг мæт. Гуырдзыстоны бахъахъхъæнын нæ иумæйаг хъуыддаг у. Сæрыстыр стæм сымахæй æмæ уын зæгъæм бузныг уæ аккаг лæггады тыххæй. «Хуыцау бахъахъхъæнæд æмæ æмбæрзæд æппæт Гуырдзыстоны» – райхъусын кодта Папуашвили Шалва.