Кашмиры конфликт гæнæн ис æмæ æркæна æххæстмасштабон хæстмæ – уый фæдыл Пакистаны хъахъхъæнынады министр Хаваджа Асиф Sky News-æн интервьюйы райхъусын кодта.

Уый загъта, зæгъгæ, дуне хъуамæ «тыхса» дыууæ атомон паддзахады æхсæн æххæстмасштабон конфликты перспективæйыл, фæлæ банысан кодта, зæгъгæ, йæ ныфс ис, ныхмæлæуд бадзырдты фæрцы аиуварс кæй уыдзæн.

Асиф загъта, зæгъгæ, Пакистаны æфсæддонтæ сты «цæттæ цыфæнды дзуаппмæ дæр».

“Мах дзуапп ратдзыстæм, Инди цы райдайдзæн, уымæн. Кæд æмæ æрцæудзæн æххæстмасштабон бырст кæнæ ахæм цыдæр, уæд, кæй зæгъын æй хъæуы, уыдзæн æххæстмасштабон хæст”, — загъта Асиф.

Журналист куы бафарста, хъуамæ æви нæ дуне тыхса, уæд Пакистаны хъахъхъæнынады министр дзуапп радта:

“О, æз афтæ хъуыды кæнын. Дыууæ атомон паддзахады æхсæн ныхмæлæуд æдзухдæр вæййы тыхст. Хъуыддаг æвзæр куы ацæуа, уæд ын гæнæн ис æмæ уа трагикон фæстиуджытæ.”

Информацимæ гæсгæ, 22-æм апрелы, Индийы контролгонд штат Кашмиры хайы ис горæт Пахалгаммæ хæстæг, æхсæг туристты къордыл æхст райдыдтой. 26 адæймаджы фæмард. Æбæрæг хотыхджын къорд, кæцы йæхи хоны «Кашмиры ныхмæлæуд», райста бæрндзинад йæхимæ. Инди бабырст Пакистанимæ баст кæны. Индийы премьер-министр Нарендра Моди æхст схуыдта террористон акт æмæ загъта, цæмæй аххосджынтæ «дзуапп райсдзысты».

Официалон Исламабад Индийы аххосæгтæ нæ нымайы. Бабырсты фæстæ Инди æрныллæг кодта дипломатон ахастытæ Пакистанимæ æмæ расидтис къорд мадзæлтты тыххæй, уыцы нымæцы Пакистаны æфсæддон атташеты ссæрибар кæнын, æрдзон транзитон пункты сыхгæд æмæ доны ресурстæй иумæйагæй пайда кæныны тыххæй бадзырд æрлæууын кæнын.