Оппозици хъусын кæны, цæмæй Саломэ Зурабишвилиимæ иумæ арæзт æрцыд координацион платформæ, кæцы кусдзæн хицæн адæймæгты санкцитæн.

Сæрмагондæй, ивæндзинæдты коалицийы лидертæй иу, Елене Хоштариайы ныхасмæ гæсгæ, иумæйагæй бакусдзысты уыцы адæймæгтæн, кæцытæ æнæзакононæй баст сты политикон хъуыддæгты фальсификацийы.

«Ахсджиаг у, цæмæй Президентимæ арæзт æрцæуа координацион платформæ, цыран практикон æгъдауæй æппæт политикон архайджытæ иумæ бадынц æмæ регуляронæй æруынаффæ кæнынц алы фарстатыл дæр». Кæй зæгъын æй хъæуы, политикон ахæсттæ не ‘ппæтæн дæр сты приоритет. Уый фæдыл Президент йæхæдæг фæныхас кæндзæн, фæлæ уын мæ бон у зæгъын, цæмæй мах иумæ кусæм, цæмæй санкцитæ æрцæуой уыцы адæймæгтæн, кæцытæ баст сты ацы политикон хъуыддæгты абсолютон æнæконституцион, æнæзаконон арæзтады. Фæнды мæнг æвдисæнтæ, фæнды тæрхонгæнджытæ æмæ а.д. Ууыл иумæ кусдзыстæм. Не ппæтмæ дæр ис ацы номхыгъдтæ. «Æнæхицауадон организацитæн уый ис, махæн дæр ис, æмæ уый бафидауын кæндзыстæм», – райхъусын кодта Элене Хоштариа.

«Стратегийы аразæг»-ы лидер Гиоргий Вашадзейы ныхасмæ гæсгæ, санкциты фæдыл, уыдон партнертимæ кусдзысты нæмтты номхыгъдтæй спайда кæнгæйæ.

«Фæныхас кодтам фидæн къуыри Европарламенты цы фарстатæ цæудзæн, кæцытæ хауынц Гуырдзыстонмæ, афтæ дæр Мюнхены конференцимæ, кæцыйы г-жа Саломе балцы цæуы». Сразы стæм иу хъуыддагыл: иумæйагæй сараздзыстæм номхыгъдтæ, афтæ зæгъæн ис, æмæ уголовон системæйы хæстæ æххæстгæнджытæ чи сты, ахæм адæймæгтæн. Чи сты адон? Фæнды слестгæнæг, фæнды тæрхонгæнæг, фæнды мæнг æвдисæн, фæнды адæм, кæцытæ мæнг кæнынц алыхуызон бæлвырдгæнæнтæ. Мах иууылдæр æрæмбырд кодтам бæрæггæнæнтæ, мах сæ бафидауын кæндзыстæм æмæ нæ партнертимæ бакусдзыстæм ацы нæмтты номхыгъдтыл, цæмæй сæ санкцитæ, кæнæ зæгъæм, змæлды арæнæвæрдтæ æмæ æндæр æмæ æндæр фарстатæ сæхи бæлвырдгæнæнтимæ æвæрд æрцæуой. «Ацы фембæлдæй сæйраг позитив у уый, цæмæй баныхас кодтам иумæйаг форматыл, платформæйыл», – расидтис Гиоргий Вашадзе оппозицийы минæвæртты æмæ Саломе Зурабишвилийы фембæлды фæстæ.

Фембæлдыл хайад райстой «Националон змæлд», «Аразæджы стратеги», «Ивæндзинæдты коалици», «Тыхджын Гуырдзыстоны коалици», парти «Гахариа Гуырдзыстоны тыххæй» æмæ «Федералистты» минæвæрттæ.