Николь Пашинян Уæрæсейы минæварыл фембæлд

Сомихы протестон змæлды лидер, фракци «Елкисы» лидер, депутат Николь Пашинян Уæрæсейы минæвар Иван Волинкиныл фембæлд.

Уырыссаг агентад РБК -имæ интервьюйы Николь Пашинян расидтис, фембæлд Ереваны Уæрæсейы минæваæрды йæ инициативайæ сырæзт. Опозиционер политикы ныхасмæ гæсгæ, уырыссаг фарс ныфс бавæрдта, цæмæй Сомихы цæугæ цауты нæ райсдзæн хайад, йæхæдæг та ныфс бавæрдта уырыссаг дипломатæн, цæмæй протестон рацыдтæ Уæрæсейы ныхмæ нæу здæхт.

«Протестон змæлд нæу здæхт нæдæр Уæрæсе æмæ нæдæр АИШ æмæ нæдæр Евроцæдисы нæдæр Ираны æмæ нæдæр Гуырдызстоны ныхмæ» – банысан кодта Пашинян. Йæ бæлвырдмæ гæсгæ, уый у Сомихы мид змæлд корупци æмæ æнæэффектон хицаудзинады ныхмæ.

Пашинян интервьюйы банысан кодта, цæмæй нæ фæуромдзæн протестон акцитæ, цалынмæ рæстæгмæ премьер-министрæй не снысан кæндзысты æмгъуыды онг парламентон æвзæрстыты онг.