Сомихыстоны премьер-министр Никол Пашинян банысан кодта уыцы уавæртæ, кæцытæ æнæмæнгхъæугæ кæндзысты Ереванæн Евроцæдисмæ уæнг суæвыны тыххæй официалон курдиат бадæттын.

Арменпресс куыд хъусын кæны афтæмæй, Пашинян ацы фарстайы фæдыл фæныхас кодта хицаугæнæг партийы æвзарæнон программæйы «Æмбæстагон бадзырд»-ы презентацийы рæстæджы.

«Сомихыстон адарддæр кæндзæн æнæмæнгхъæугæ реформæтæ æххæст кæнын Евроцæдисы уæнгдзинады критеритæн, цалынмæ æххæстæй нæ сæххæст кæна ацы домæнтæ.Сомихыстон критеритæ куы сæххæст кæна, уæд уæнгдзинад суыдзæн политикон уынаффæйы фарста æмæ аразгæ уыдзæн, цæттæ у æви нæ Евроцæдис Сомихы райсынмæ. нымад æрцыд стратегион æнтыстдзинадыл, уымæн æмæ Сомихыстон æххæстæй дзуапп дæтдзæн европон стандарттæн», -расидтис Пашинян.

Уымæй дарддæр ма, Евразиаг экономикон цæдисимæ ахастытыл ныхас кæнгæйæ Пашинян куыд банысан кодта, афтæмæй Сомихы хицауад æмбары, уыцы иу рæстæг куыд Евразиаг экономикон цæдисы, афтæ Евроцæдисы уæнг уæвæн кæй нæй.

«Фæлæ цалынмæ Евразиаг экономикон цæдисы уæнгдзинадимæ æмдзу кæной Евроцæдисимæ æрбаввахс кæнынмæ здæхт реформæтæ æмæ уæнгдзинады критеритæ æххæст кæнынмæ, уæдмæ Сомихыстон баззайдзæн ацы цæдисы уæнгæй æмæ дарддæр кæндзæн йæ уæнг бæстæтимæ базарадон-экономикон ахастытæ рæзын кæнын», — банысан кодта Сомихы премьер-министр.