Гуырдзыстоны националон банкъы президент, Натиа Турнава æмæ финансты министр Лаша Хуцишвили, Гуырдзыстоны делегацийы æндæр уæнгтимæ иумæ, EBRD-ы æрвылазон фембæлд æмæ бизнес-форумы фæлгæтты, Лондоны æхсæнадæмон инвестортимæ фембæлд ауагътой.

NBG-йы пресс-куысты информацийæ, фембæлд «Банк оф Америкæ» сарæзта.

«Националон банкъы президент æхсæнадæмон инвестортæн базонгæ кодта Гуырдзыстоны экономикон уавæримæ, фæныхас кодта стабилон макроэкономикон уавæр æмæ фидар фундаменталон фактортыл, кæцыты бындурыл бæстæ æнтыстджынæй æмбæлы цæугæ глобалон экономикон æртхъирæнтимæ».

Натиа Турнава Гуырдызстоны экономикæйы стабилон æмæ æнæниз уавæрмæ бавнæлдта, кæцы æппæтдунеон инвестортæн æлвасгæ уавæр аразы» -ис фыст NBG-йы фидиуæны.

Фембæлдыл Гуырдзыстоны националон банкъы макроэкономика æмæ статистикæйы департаменты къухдариуæггæнæг Тамта Сопромадзе æмæ финансты министры хæдивæг Гунцадзе Екатеринæ дæр истой хайад.