Хорз зонæм нæ æвзарджыты, æмæ раст зæгъгæйæ, мæнмæ гæсгæ цатырмæ нæ бацæудзысты, фæлæ кæд ахæм уынаффæ рахастой, цæмæй мах хъуамæ уæм акциты, уæд нæ æвзарджыты фæдзæхст сæххæст кæндзыстæм, – расидтис Мезвришвили Натия, парти «Гахариа Гуырдзыстоны сæраппонд»-ы уæнг.

Йæ ныхасмæ гæсгæ, парти «Гахариа Гуырдзыстонæн» оппозицийæн æххуыс кæны куыд бæлвырдгæнæнтæ æмбырд кæныны, афтæ дæр организацион хъуыддæгты.

«Æз æххæст бæрндзинадæй хъусын кæнын, цæмæй оппозицийæн куыд гæнæн ис, афтæ æххуыс кæнæм, уый нымæцы бæлвырдгæнæнтимæ, бæлвырдгæнæнтæй, кæцытæ нæ æвзарæнон къорд райста. Мах уыдзыстæм, кæмдæриддæр уой нæ æвзарджытæ, кæмдæриддæр нæ æвзарджытæ æнкъарой хъæугæдзинад, цæмæй хъæлæстæ бахъахъхъæнæм æмæ давд хъæлæстæ фæстæмæ райсæм. Уый ныр у нæ фыццаг хæс. Хорз зонæм нæ æвзарджыты, æмæ раст куы зæгъон, уæд мæнмæ гæсгæ нæ æвзарджытæ цатырмæ нæ бацæудзысты. Фæлæ кæд æмæ нæ æвзарджытæ ахицæн кæной, цæмæй мах хъуамæ уæм акциты, кæй зæгъын æй хъæуы, нæ æвзарджыты бардзырд сæххæст кæндзыстæм. Раздæр дæр афтæ уыд, раздæры митингмæ дæр цыдыстæм.

Ноджы ма йæ зæгъын, кæд æмæ лыстæгдзинæдты ис цыдæр хицæндзинæдтæ, уæддæр нæм ис ахсджиаг хахх, кæцыйы фæдыл цæуæм æмæ дзы нæ ахиздзыстæм. Мах куыд гæнæн ис афтæ æххуыс кæнæм оппозицийæн, фæнды уый уа бæлвырдгæнæнтæ æмбырд кæнын, фæнды исты организацион фарстатæ, мах, нæ минæвæрттæ максималонæй хайад исæм алцыппæт уыдæтты», – расидтис Мезвришвили Натиа.

«Ивæндзинæдты коалицийы» лидертæй иу Ника Гварамиа «Фейсбукы» пайдагæнджытæм бахатыд цатыртæ сифтонг кæнынмæ:  «Кæд уæм ис рæстæмбис æмæ стыр цатыртæ, уæд нæм бадзурут. Кæд нын лæвар скæнат – амондджын уыдзыстæм, куы нæ ауæй кæнат – уæддæр амондджын уыдзыстæм, нымæц у æгæрон».