Абон, изæры 8:00 сахатмæ æввахс, Руставелийы проспектыл æрымбырдгонд митингы цалдæр хайадисæг æнæзакононæй бафæлвæрдтой фæндаг сыхгæнын – уый фæдыл мидхъуыдтæгты министрады расидæны ис фыст.

Уагдоны информацийæ, административон æгъдауæй ахст сты митингы 20 онг хайадисæг.

«Кæд æмæ патрулон пъæлицæйы минæвæрттæ цалдæр хатты фæдзæхстой протестгæнджыты, цæмæй ма æххæст кæной æнæзакъонон митæ, уымæн æмæ сæ нымæц сын нæ лæвæрдта закъонон бар фæндаг æрæхгæнынæн, уæддæр митингы хайадисджытæ нæ байхъуыстой барадхъахъхъæнæг органты кусджыты сидтмæ. Уымæ гæсгæ митингы 20 онг хайадисæг, кæцытæ комкоммæ архайдтой фæндаг æрæхгæныны фæлварæны, административонæй баурæдтой»  –  дзырдæуы МХъМ-ы расидæны.

Уымæй уæлдай ма, МХъМ-ы информацийæ, æвзонг сылгоймаг, кæцы патрульон пъæлицæйы машинæйыл схызт, полицийы кусджытæ хулигандзинады аххосагæй æрцахстой.

«Æрыгон сылгоймагмæ та цы хауы, кæцы барадхъахъæнджыты закъонон сидтмæ нæ бакаст, патрульон машинæйыл схызт æмæ барадхъахъæнджыты, сæ намыс æмæ формæ, афтæ дæр æхсæнады фæхудинаг кодта – уый Гуырдзыстоны уголовон кодексы 239-æм статьямæ гæсгæ ахст у, кæцы хулиганизммæ хауы.

Мидхъуыддæгты министрад ноджы иу хатт сиды митингы хайадисджытæм, цæмæй сæхи бауромой искусственон, æнæзакононæй фæндаг æхгæнынæй æмæ уголовон фыдракæндтæ аразынæй, науæд сæ ныхмæ ист æрцæудзысты закъонæй нысангонд мадзæлттæ», — дзырдæуы хъусинаджы.