Æмбарæм Гуырдзыстоны  æрдгæй  ахæм хъавгæ  ахаст, айхуызæн уæззау  уавæртæ куы ис уæд, мæ  хъуыдыйы  дарын Абхаз æмæ  Хуссар Ирыстон, –  уый фæдыл  Турчы фæсарæн хъуыддæгты министр  Мевлут Чавушогълу, а.х. 3+3  форматы фæдыл  Гуырдзыстоны Фыццаг Каналы  фарсты дзуаппæн загъта.

Фарстыл, куыд  æм кæсы ацы  форматы   Уæрæсе æмæ  Гуырдзыстоны æмгуыстады гæнæндзинад,  Уæрæсе Гуырдзыстоны территориты  оккупацигондæй  куы дары  æмæ  иунæг æхсæнадæмон  хæсист дæр куы не ххæст кæны,  Мевлут Чавушогълу  банысан кодта, цæмæй  Гуырдзыстоны позицийæн  зæгъгæ цыт хъуамæ  кæной.

«Сæрæй  дæр  куыд банысан кодтон, афтæмæй,   фембæлды фæныхас кодтам  æртæфарсон форматыл.  Нæ нысан у, регионы  сабырдзинад æмæ стабилондзинад фæстагмæ æрфидар кæнын.  Экономикон  æмæ  логистикон  фарстæты хъуамæ  саразæм ахæм  къахдзæфтæ, кæцытæ ахъаз уыдзысты æууæнк  сбæрзонддæр кæнын.  Æмбарæм Гуырдзыстоны  æрдгæй  ахæм хъавгæ  ахаст, айхуызæн уæззау  уавæртæ куы ис уæд, мæ  хъуыдыйы  дарын Абхаз æмæ  Хуссар Ирыстон.  Дыууæфарсон форматы  ахæм диалог райдаын  зын уыдзæн æмæ бирæфарсон  форматы та, гæнæн ис,  цъус æнцондæр  уа, фæлæ ацы  фарсты  хъуамæ  цыт кæнæм Гуырдзыстоны позицийæн.  Æндæр бирæ  фæлмæндæр   позици хъуамæ  равдисæм ацы форматтæм гæсгæ», –  райхъусын кодта Мевлут Чавушогълу  Гуырдзыстоны фæсарæн хъуыддæгты  министр Давит Залкалианиимæ фембæлды  фæстæ  иумæйаг брифингыл.

Бæрæг куыд у афтæмæй,  æхсæз бæстæйы  хайадæй  ног платформæ  саразыны инициативæйæ  Азербайджаны æмæ Турчы  президенттæ ивгъуыд   азы  кæрон   рацыдысты.  Азербайджаны президент  Ильхам Алиев  куыд райхъусын кодта, уымæ гæсгæ,   зæгъгæ ацы  рæстæгмæ ис Турк-Азербайджан-Гуырдзыстоны, Азербайджан-Иран-Уæрæсейы  æмæ Турк-Уæрæсе-Ираны æмгуыстады форматтæ  æмæ   гæнæн ис,  сæ  иу  форматы баиу кæнын.  Гуырдзыстоны позицийы тыххæй, фæсарæн хъуыддæгты министр Давит Залкалианийы  дзырдæй, зæгъгæ, бæстæимæ, кæцы Гуырдзыстоны территориты 20% оккупацигондæй дары  æмæ дарддæр  кæны æнæзакъонон архæйдтытæ, нысаниуæгджын экономикон   проекттыл  ныхас кæнын, Гуырдзыстонæн  зын уыдзæнис.