Европарламент æмæ æндæр парламентон æмбырдтæ Гуырдзыстонмæ тынг æнæраст ахаст дарынц. Æз сæ ракурин, цæмæй кад кæной гуырдзиаг адæмы сæрибар æвзæрстæн, – уый фæдыл Анталийы дипломатийы форумы фæлгæтты гуырдзиаг журналисттæн Турчы раздæры фæсарæн хъуыддæгты министр, НАТО-йы парламентон ассамблейы Турчы делегацийы сæргълæууæг Мевлут Чавушогълу расидтис.

Йæ ныхасмæ гæсгæ, Гуырдзыстон æмæ Турк кæддæриддæр æххуыс кæнынц кæрæдзийæн æхсæнадæмон аренæйыл, афтæ дæр Турк аразы НАТО-йы парламентон ассамблейы.

«Махæн ис иттæг хорз дыууæфарсон æмахастытæ, дыууæ сыхагæн махæн ис æнæрадон политикон æмæ экономикон æмкуыстдзинад. Райдайæнæй фидарæй æххуыс кодтам Гуырдзыстоны евроатлантикон тырнындзинæдтæн. Гуырдзыстон æмæ Турк, куыд кандидат бæстæтæ æхсæнадæмон аренæйыл, кæддæриддæр æххуыс кæнынц кæрæдзийæн алы платформæйыл. Афтæ дæр кæнæм НАТО-йы парламентон ассамблейы, цыран æз разамынд дæттын Турчы делегацийæн. Европарламент æмæ æндæр парламентон ассамблейæтæ Гуырдзыстонмæ тынг æнæраст ахаст дарынц æз сæ ракурин, цæмæй кад кæной гуырдзиаг адæмы сæрибар æвзæрстæн», – расидтис Мевлут Чавушогълу.