Испанийы хуссайраг хайы донивылды фæстиуæгæн фæмардуæвджыты нымæц 140 онг сырæзт. Уый фæдыл информаци бынæттон медиа парахат кæны.

Фæмардуæвджытæн сæ фылдæр сты Валенсийы провинцийы, цыран мардгондты  нымæц 100-йæ фылдæр у. Æбæрæгæй сæфт æмбæстæгты агурыныл æнæнхъæлæджы уавæрты службæтæ æхсæвæй-бонæй кусынц.

Испанийы хуссар хайы тыхджын къæвдайы фæстиуæгæн донивылдтæ æмæ цъ ыфы зæйтæ фехæлдтой фæндæгтæ æмæ хидтæ, бæлæстæ æмæ машинæтæ фехæлдтой. Транспорты министрады информацимæ гæсгæ, Валенси æмæ Мадриды æхсæн æфсæнвæндаджы бастдзинад сног кæнынæн æппынкъаддæр æртæ къуыри бахъæудзæн. Бынæттон метеорологты бæрæггæнæнтæм гæсгæ, дыццæджы аст сахаты æмгъуыдмæ районы æрцыд афæдзы бæрц къæвда, кæцыйы аххосæй цæугæдæтты доны æмвæзад карзæй фæбæрзонддæр. Испанийы, стихийы  аххосагæй æртæ боны хъыггæнæн бон расидтысты.