Дунейы фæстаг рæстæджы цаутæ гуырдзиаг æхсæнадæн бирæ фарстатæн раттой дзуапп. «Æрвылбон дæр бæрæгдæр кæны, æддагон тыхтæй финансгонд æмæ Гуырдзыстоны паддзахадон интересты ныхмæ архайæг политикон къордты архайды реалон нысæнттæ» – расидтис брифингыл парламентон фылдæры хайы лидер æмæ «Гуырдзиаг Бæллиццы» æххæстгæнæг нымæрдар Мамука Мдинарадзе.

Йæ ныхæстæм гæсгæ, æхсæнад йæ цæст дары Парламенты слестгæнæн къамисы рабадтытæм, æмæ тæккæ фыццаг рабадтæй фæбæрæг ис, цæмæй ивгъуыд рæстæджы арæзт æнæфехъусгæ фыдракæндты автортæ, се ‘мхæлартæ æмæ бæстæйы æрдæм иумæйаг, знаггадгæнæг нысанимæ архайæг политикон партитæ политикæйæ хъуамæ ацæуой.

«Ныридæгæн дæр бæрæг у, цæмæй парламенты рæстæгмæ фæдæвзарæн къамисы кæронбæттæн хатдзæг нын ратдзæн фидар бындур Гуырдзыстоны конституцион тæрхондонмæ бахъаст кæнынæн «Националон змæлд æмæ йæ сателлитон партиты æнæконституционыл расидыны фæдыл».

«Уымæй уæлдай ма, мах ныридæгæн райдыдтам закъоны проект, кæцы расиддзæн уæлдæр ранымад партиты фæдылдзæуæг партиты æнæконституционыл, кæд æмæ партийы архайды мидис, уынаффæгæнæгты сæрмагонд сконд, кæнæ закъонон нысантæ сты иухуызон архайды мидисимæ, сæрмагонд сконды, кæнæ закъонон нысантимæ националон коллективы», — загъта “диссаджы демократ”  Мдинарадзе.