«Нæй комкоммæ æмæ суанг æнæкомкоммæ бæлвырдгæнæнтæ, цæмæй хатдзæг скæнæм, цæмæй спецназæн исчи бахæс кодта искæмæн зиан æрхæссын» – райхъусын кодта барадхъахъхъæнæг органты координацийы паддзахадон министр Мамука Мдинарадзе.

Йæ ныхасмæ гæсгæ, барадхъахъæнджытæ PR-кампанитæм нæ, фæлæ бæлвырдгæнæнтæм кæсынц.

“Ацы фадыджы æвзæрст уголовон хъуыддаджы нæй иу комкоммæ кæнæ æнæкомкоммæ бæлвырдгæнæн дæр, кæцы æркæндзæн ахæм хатдзæгмæ, зæгъгæ, исчи бардзырд радта сæрмагонд тыхтæн адæмы хъыгдарын æмæ сæ ныццæвын. Уымæ гæсгæ, æнæкомкоммæ бæлвырдгæнæнтæ куы нæ уа, уæддæр фæдагуырдæн йæ бон нæу сбæрæг кæнын, кæцыты хонынц “æрхъуыдыгæнæг”. Уый у æрмæстдæр PR-кампанийы хай, кæцытæ, æз уырны, æнæразы сты паддзахады ахастæй.

Ацы хъуыддаджы æрхъуыдыгæнæг куы уыдаид æмæ æмбæлон бæлвырдгæнæнтæ куы уыдаид, уæд мæнмæ гæсгæ алчидæр бауырныдтаид, мах кæй нæ фæстæмæ æрлæууиккам. Фæстаг рæстæг нæм фæзынд ахæм практикæ, æмæ фыдракæнды нысæнттæ куы фæзыны, уæд бæрзонд рангы чиновникты æрцахсæм. “Фыдракæнд бæрæг куы вæййы, уæд нæ искæмæй хизыны тыххæй никæй бон у аххосджын кæнын. Уымæ гæсгæ, кæд иунæг бæлвырдгæнæн дæр куы фæзына, уæд æй барадхъахъхъæнджытæ æрцахсдзысты æмæ адарддæр кæндзысты фæдагуырд. Ахæм бæлвырдгæнæнтæ куы нæ фаг кæной, уæд, кæй зæгъын æй хъæуы, пиар-кампанийы бындурыл ничи архайдзæн”.

Куыд бæрæг у æмæ бæлвырдгæнæнтæ куыд амонынц, афтæмæй уыдон уыдысты сæрмагонд инициативæтæ æмæ хицæн цаутæ. Зæгъæм, уый системон куы уаид, уæд æрмæст иу нæ, фæлæ бирæ журналист фæцæф уыдаит æмæ афтæ дарддæр. Уый тыххæй дæр мах цæуæм реалондзинадмæ, барадхъахъæнджытæ та фæдыл цæуынц реалондзинад æмæ бæлвырдгæнæнтæ, нæ фæлæ PR-кампанитæ», -расидтис Мдинарадзе.

Зæрдыл уын æрлæууын кæндзыстæм, 2024-æм азы протестон акциты рæстæджы Звиад Майсашвили, Леван Хабеишвили æмæ Гурам Рогавайы ныхмæ тыхмийы фæдыл, æртæ раздæры æмæ иу ныры спецназы кусæг, афтæ дæр мидхъуыддæгты министрады æдасдзинады полицийы департаменты кусæг æрцахстой.