Гуырдзыстоны парламенты сæрдар Шалва Папуашвили закондæттæн органы брифинг сарæзта «Гуырдзиаг бæллиццы» фракцийы уæнгты æмæ политикон къордтæ «Халхис Дзалайы» æмæ «Европæйаг социалистты» уæнгты æрдыгæй бацæттæгонд иумæйаг конституцион тæрхоныл, кæцыйы домдтой, цæмæй цалдæр политикон партийы архайд æнæконституционыл расидт æмæ тобæгонд æрцæуа.

Шалва Папуашвилийы ныхасмæ гæсгæ, тæрхондонон хъаст домы, цæмæй æртæ политикон партийы архайдтытæ æнæконституционыл нымад æрцæуой æмæ тобæгонд æрцæуой. Уыцы партитæ сты: Иудзинад – Националон Змæлд, Ивæндзинæдты Коалици – Гварамиа, Мелиа Гирчи, Дроа, æмæ Тыхджын Гуырдзыстон – Лело, Адæмы тыххæй, Сæрибардзинады тыххæй.

Папуашвили Шалва банысан кодта хъастæн йæ барадон бындур, конкретонæй: Гуырдзыстоны конституцион уагæвæрды ныппырх æмæ тызмæгæй раивын; Гуырдзыстоны хæдбардзинадыл хæлд, бæстæйы территорион æнæхъæндзинады хæлд; Гуырдзыстоны территорион æнæхъæндзинады сабырадон æгъдауæй сног кæныны перспективæтæн зиан хæссын æмæ Гуырдзыстон æмæ Уæрæсейы æхсæн активон æфсæддон архæйдтыты провокацийы бафæлвæрд; Гуырдзыстоны хæдбардзинады хæлдæн фæсарæйнаг паддзахадæн æххуыс.

«Уымæ гæсгæ нæ иумæйаг конституцион хъаст домы, цæмæй ахæм æртæ политикон партийы, кæцытæ сарæзтой коалици æмæ иумæйаг бæллицтимæ архайæг иунæг субъект, нымад æрцæуой æнæконституционыл æмæ тобæгонд æрцæуой æмæ абоны онг дæр дарддæр кæной уыцы бынаты архайын. Ацы партитæ сты ахæмтæ (сæ официалон нæмттæ сты партиты реестры):

Æмбæстæгты политикон цæдис «Иудзинад – национ змæлд»,

Æмбæстæгты политикон цæдис «Ивддзинæдты тыххæй коалици – Гварамиа, Мелия Гирчи, Дроа»,

Æмбæстæгты политикон цæдис «Тыхджын Гуырдзыстон – Лело, адæмы тыххæй, сæрибардзинады тыххæй».

Уымæй дарддæр ма хъуамæ нымад æрцæуа, æндæр политикон партитæ, куыд «Еленæ Хоштариа-Дроа» æмæ «Гирчи-Фылдæр сæрибардзинад», кæцытæ сты фактонæй «Ивддзинæдты коалицийы хай, Гварамиа, Мелиа, Гирчи, Дроа», кæд æмæ официалон æгъдауæй регистрацигонд сты куыд хæдбар партитæ, афтæ ма «О Европæйæн –  Стратегиа Агъмашенебели» Европæйаг Гуырдзыстон – Сæрибардзинады змæлд», «Федералистон парти», «Гуырдзыстоны республикон парти» æмæ æндæр фиктивон, иу адæймагон æмæ чысыл партитæ, æнгом баст сты уæлдæр ранымадгонд политикон партитимæ. Фæлæ, уымæн æмæ сын ныртæккæ нæй нысаниуæгджын æндæвдад сæ ас æмæ организацион структурæйы тыххæй, уыцы нымæцы æвзарæнон æмвæзад ахизыны цыфæнды реалон перспективæйы тыххæй, уымæ гæсгæ сæ ацы этапыл тобæ кæнын нæ хъæуы. Сæ æнæконституциондзинады фарста, гæнæн ис æмæ фæстæдæр æвзæра, кæд æмæ политикон процессыл нысаниуæгджын æндæвдад райсдзысты» -расидтис Папуашвили.