Парижы чиныджы фестиваль байгом ис Гранд Паласы.

Гуырдзыстон сæрмагонд уазæг уыдзæн Паризы чиныджы фестивалы. Националон стенд Гуырдзыстоны культурæйы министрады æххуысæй Фысджыты хæдзар бавдисдзæн.

Паризы чиныджы фестивалы гуырдзиаг националон стенд абон байгом уыдзæн. Байгом æй кæндзæн Гуырдзыстоны культурæйы министр, Тинатин Рухадзе.

Ацы азы фестивалы, Гуырдзыстоны Фысджыты хæдзар бирæвæрсыг литературон æмæ культурон программæ бавдисдзæн, францаг æвзагмæ тæлмацгонд 120-йæ фылдæр уацмыс æмæ 10 рауагъдадмæ æввахс. Гуырдзыстоны делегацийы сконды сты прозаиктæ, поэттæ, тæлмацгæнджытæ æмæ рауагъдадтæ.

Гуырдзиаг националон стенды концепци зындгонд францаг фыссæг Александр Дюмайы чиныг «Балц Кавказмæ»-ы мотивтыл арæзт у. Стенд фестивалы уазджытæн баххуыс кæндзæн гуырдзиаг фыссынад æмæ культурæ раргом кæнынæн. Лозунгæй – «Александр Дюмæимæ иумæ Гуырдзыстонмæ балцы», националон стендыл бавдыст программæйы ис нырыккон æмæ классикон гуырдзиаг литературæ, кинонывты равдыст, сывæллæтты мадзæлттæ, музыкалон изæртæ æмæ кулинарон презентацитæ.

Парижы чиныджы фестиваль у æхсæнадæмон литературон мадзал, кæцыйы Гуырдзыстон æртыккаг хатт исы хайад. Æрвылаз дæр фестивалы фысым кæнынц 50 бæстæйы онг æмæ 1000 авторæй фылдæр дунейы алы рæттæй.

Уый фæдыл информаци Гуырдзыстоны культурæйы министрад парахат кæны.