Тбилисы мэр Каха Къаладзе хъуыды кæны, цæмæй оппозицийæн бынæттон хицауады æвзæрстыты фæуæлахиз у æмæ йын нæй шанс фæуæлахиз уæвынæн искæцы районы æмæ горæты.

«Мæ бон нæу зæгъын, цавæр уынаффæ рахæсдзæн оппозици бынæттон хицауады æвзæрстыты фæдыл». Æз сын æмбарын сæ тас, уымæн æмæ æнæнтыстмæ æнхъæлмæ кæсынц. Уыдонæн нæй шанс уæлахиз кæнынæн иу районы дæр, иу горæты дæр, мэры кæнæ горæтон советы æмвæзадыл. «Уый тыххæй дæр, кæй зæгъын æй хъæуы, сæм нæй фæндон æнæфæуæлахизгонд тохмæ бацæуын, фæлæ фендзыстæм, куыд рæзынц цаутæ», -расидтис Каха Къаладзе.

Йæ ныхасмæ гæсгæ, хицаугæнæг командæ ныридæгæн райдыдта æвзæрстытæм цæттæ кæнын æмæ алцыппæт аразы, цæмæй йæхи намысджынæй равдиса.

«Мах райдыдтам цæттæ кæнын æвзæрстытæм, вæййы нын фембæлдтæ, хæссæм ног хабæрттæ». Сæйрагдæр уый у, æмæ æхсæнадимæ бастдзинад никуы фесæфтам. Махæн сæйрагдæр сты адæм, уымæ гæсгæ æппæт проекттæ дæр æххæстгонд цæуынц, цæмæй горæт уа комфортон, фæсивæдæн уа бирæ фадæттæ, уа парктæ, фæлладуадзæн фæзуæттæ, спортивон фæзтæ æмæ а.д. «Алцыппæт сараздзыстæм, цæмæй бынæттон æвзæрстыты цытджынæй хайад райсæм æмæ нæ къухы бафта æнтыстытæ» – банысан кодта Тбилисы мэр.