Украинайы тыхæй ма хъуамæ ратта йæ территори, уый у къæппæг Путинæн – уый фæдыл Евроцæдисы политикон æмæ æдасдзинады политикæйы бæрзонд минæвар Кая Калас ВВС-имæ интервьюйы расидтис.

Каласы ныхасмæ гæсгæ, Украинæйæн æдасдзинады гарантиты фæдыл бадзырдты ацы этапыл бирæ конкретон къахдзæфтæ нæй.

«Æдасдзинады тыхджындæр гаранти у Украинæйы тыхджын æфсад» – райхъусын кодта Калас.

Евроцæдисы уæлдæр минæвар банысан кодта, цæмæй «фæндонджынты коалицийы» уæнг бæстæтæ хъуамæ ахицæн кæной, цавæр хайбавæрд сæ бон у бахæссын æмæ нырма бæрæг нæу куыд архайдзæн.

Аляскæйы саммиты фæдыл Калас загъта, зæгъгæ, Путин райста алцыппæт, цы куырдта, уый.

«Путиныл хъармæй сæмбæлдысты æмæ йæ фæндыд, цæмæй санкцитæ ма æрцæуой арæзт, кæцы йæ ​​къухы дæр бафтыд. Путин æрмæст худгæ кæны, марындзинад нæ æрлæууын кæны, фæлæ марындзинæдтæ фылдæр кæны. Мах ферох кæнæм, цæмæй Уæрæсе иу концесси дæр нæ сарæзта» -расидтис Каллас.

Йæ ныхасмæ гæсгæ, Евроцæдис санкциты 19-æм пакетыл кусы, цæмæй Уæрæсейыл æндæвдад æрцæуа.