Евроцæдисы бæрзонд минæвар Кая Каллас хъуыды кæны, цæмæй Мæскуыйы 9-æм майы парады ауадзын æнæ æфсæддон техникæйæ Украинайы хæсты рæстæджы Уæрæсейы æцæг позици æвдисы. Медийы информацийæ, уый фæдыл расидæн сарæзта «Г8» бæстæты фæсарæн хъуыддæгты министртимæ фембæлды рæстæджы.

“Бирæ азты дæргъы фыццаг хатт Мæскуыйы Уæлахизы боны парад ацæудзæн æнæ уæззау æфсæддон техникæйæ. Уый бирæ дзурæг у, уыцы нымæцы хæсты рæстæджы Уæрæсейы позицийы тыххæй дæр”, — загъта уый.

Калласы ныхæстæм гæсгæ, «хæсты быдыры бæлвырд статистикæ æвдисы, Уæрæсе кæй фесафы рекордон нымæц æфсæддонты».

Евроцæдисы уæлдæр дипломат афтæдæр банысан кодта, цæмæй Уæрæсейæн йæ æфсæддон нысæнттæ къухы нæ бафты æмæ уый бонæй-бон бæлвырддæр кæны.

Уæрæсейы хъахъхъæнынады министрады парахатгонд информацимæ гæсгæ, Мæскуыйы 9-æм майы парад ацæудзæн æнæ æфсæддон техникæйæ «уæвæг уавæрмæ гæсгæ». Уæвæг хъусинæгтæм гæсгæ, 9-æм майы æфсæддон парады уыдзæн æрмæстдæр хæдтæхджытæ, Сырх фæзуаты сæрмæ атæхдзысты пилотажон командæтæ. Уый фæстæ хæдтæхджытæ Су-25 равдисдзысты Уæрæсейы тырысайы хуызтæ Мæскуыйы сæрмæ арвыл.

Словакийы премьер-министр Роберт Фико Мæскуымæ æрцæуын план кæны.