Гуырдзыстоны премьер-министр Ираклий Къобахидзе Турчы мидхъуыдтæгты министр Али Ерликаяимæ фембæлд. Фембæлдыл ныхас цыд Гуырдзыстон æмæ Туркы æхсæн хæларадон ахастытæ æмæ стратегион партнерады фæдыл.

Хицауады администрацийы пресс-куыстуаты информацимæ гæсгæ, фембæлдыл бахахх кодтой Гуырдзыстоны мидхъуыдтæгты министрад æмæ Турчы барадхъахъæнджыты æхсæн æнтыстджын партнердзинад.

«Ныхас цыд регионы цæугæ процесстыл æмæ Гуырдзыстон æмæ Турчы ролыл стабилондзинад æмæ сабырад парахат кæныны хъуыддаджы.

Премьер бузныг расидтис Турчы мидхъуыдтæгты министрæн Гуырдзыстонмæ визиты фæдыл æмæ банысан кодта, цæмæй ахæм бæрзонд æмвæзады визиттæ ахъаз кæнынц бæстæты æхсæн стратегион партнерады дарддæры рæзтæн.

Фембæлдыл уыд Гуырдзыстоны мидхъуыдтæгты министр Геладзе Гека» – банысан кодтой хицауады администрацийы пресс-куысты.