Мзиа Амагълобелийы организацитæ фæсарæнтæй финансгонд цæуынц æмæ йæ донортæй иу дæр нæ исы бæрн уыцы тыхмийы тыххæй, кæцы полицийы кусæгæн сарæзта – уый фæдыл Гуырдзыстоны премьер-министр Ираклий Къобахидзе Ереваны гуырдзиаг журналисттæн расидтис.

Ираклий Къобахидзе куыд банысан кодта афтæмæй, алы донор, алы адæймаг, кæцы Мзиа Амагълобелийы организациты æхца бахардз кæны, аххосджын у уыцы партион политикон тыхмидзинадæн, кæцыйы Мзиа Амагълобели сыххæст кодта.

«Мзиа Амагълобелийы конкретон цауы фæдыл, сымах зонут, цæмæй конкретон фыдракæнд, закъоны хæлд фылдæр хатт æрцыд камерæты раз, конкретон адæймаг куы ныццавта пъæлицæйы кусæг, конкретон регионы пъæлицæйы хистæр». Ацы хæлд журналистон архайдимæ баст нæ уыд, уымæ гæсгæ, æппæт уыдæттæ медиимæ баст кæнын у дзæгъæл спекуляци. «Фæнды мæ алкæмæн дæр зæгъон иу хъуыддаг: хъуыддæгтæ расайыныл куы дзурæм, уæд æппæт уыцы адæймæгтæ, кæцытæ æнæтыхмион протесттæ сабырадон схуыдтой, сты уыцы фыдракæнды расайджытæ, кæцытыл абон ныхас кæнæм» – расидтис премьер-министр.

Йæ ныхæстæм гæсгæ, алчидæр, кæцы Тбилисы уынгты тыхмидзинад расидын кодта, ахæм фæткхалæнты разæнгардгæнæг у.