Гуырдзыстоны премьер-министр Ираклий Гъарибашвилийы  фидиуæнæй,   Китайы  æмбæстæгтæн   абонæй  æнæвизæ режим скуыста.

Уый фæдыл  Ираклий Гъарибашвили   хицауады  рабадтыл   райхъусын кодта.

Хицауады  сæрдары  дзырдæй,  зæгъгæ  китайаг туристтæ дунейы  сегасдæр  фæндон туристтыл   нымад цæуынц.

«Махæн туризм у иттæг нысаниуæгджын. Фарон   æртæ миллиард  500 милуан  доллары бæрц  комкоммæ фтиаг  райстам  туризмæй.  Ацы аз æнхъæл стæм ноджы фылдæрæй.  Кусæм æндæр базартыл. Фæнды нæ  фылдæр  туристы фæхонæм бæстæмæ.

Тынг æнтыстджын визит мын уыд Китайы  æмæ Китай абон у дунейы дыккæгæм экономикæ, тынг фидар экономикæ у. Махæн иуæй-иу  сæйраг интерес у Китайимæ  базарадон-экономикон  ахастыты стынг кæнын, фылдæр инвестицитæ æрбаласын Китайæ, фылдæр туристы  æркæнын Гуырдзыстонмæ, ацы нысанæн  уыдис мæ визит.

Рахастам уынаффæ, цæмæй Китайы æмбæстæгтæн  абонæй  æнæвизæ  режим  скуса.  Æмбæлгæ  барамынд рауадздзынæн абон.   Уый уыдзæн иттæг нысаниуæгджын, æмæ  ноджы фылдæр туристы æркæнынæн ахъаз. Фæнды мæ  зæгъын, цæмæй китайаг туристтæ дунейы  иуæй-иу сеппæтæй  фæндон уазджытыл цæуынц нымад.  Ис нын комкоммæ тахтытæ дæр.  Уыдис мын Китайы премьеримæ  ныхас  туризмыл  æмæ  тахтыты фарстайы фæдыл дæр.  Фæнды мæ банысан кæнын, Китайы хицауады æмæ сæ системæйы  эффективондзинад. Цалдæр бонмæ  экономикæйы министрмæ æрцæудзæн делегаци  конкретонæй  комкоммæ  авиарейсты фарстайы тыххæй.   Премьеримæ мæ фембæлдæй 2-3 бонмæ нырид делегаци рарвыстой Китайæ.  Фæнды нæ, цæмæй  бафтауæм  фылдæр рейс, комкоммæ  тазтæ  Китайæ. Фылдæр туристтæ нæ  хъæуы æнæрмæст Китайæ, фæлæ ма  æндæр бæстæтæй дæр, фылдæр   турист фена нæ  диссаг, уникалон бæстæ, культурæ, нæ адæмы æмæ  мæммæ гæсгæ уыйæппæт приз цæуы  адæмы æмæ бæстæйы  фарнæн», –  райхъусын кодта Гъарибашвили.