Инфраструктурæйы министр Реваз Сохадзе, регионалон размæцыды министры хæдивæг Зауташвили Леван, Имереты паддзахадон губернатор Леван Залканиани æмæ Харагаулийы муниципалитеты мэр Къоба Лурсманашвилиимæ иумæ бабæрæг кодтой Имереты районы хъæутæ Хемагъали æмæ Гъверкийы, кæцытæ сыджытлæсæны фæстиуæгæн зиан баййæфтой.

Сыджытлæсæнтæ базиан кодтой цæрæн хæдзæрттæ, бынæттон фæндæгтæ æмæ инженерон инфраструктурæ уæлдæр ранымад хъæуты. Сыджытлæсæнтæ хайгай æрæхгæдтой Карнебайы цæугæдон дæр.

Харагаулийы муниципалитет бынæттон бюджетæй рахицæн кодта 85 000 ларийы 46 ​​зианбаййафæг бинонтæн фыццаг æххуыс бакæнынæн, æмæ 225 000 ларийы бахардз кодтой стихийы зонæйы фыццаг этапыл фæндагон инфраструктурæ сцалцæг кæнынæн. Зианбаййафæг бинонтæн лæвæрд цæуы цæрæнуаты арендæйы аргъ, иннæ бинонтæн та ис альтернативон, æдас цæрæнуат.

Ацы рæстæгмæ стихийы зонæйы иу бинонтæ дæр нæй. Центрон æмæ бынæттон хицæуттæ кусынц æдас цæрæнуæтты фарстайыл, æмæ бинонтæн лæвæрд æрцæудзæн равзарæн: ног цæрæнуæттæ райсын æви компенсаци.

Муниципалитеты бардзырдмæ гæсгæ, Хъемæгъали æмæ Гъверкийы хъæуты сыджытлæсæны комплексон инженерон-геологон иртасты фæдыл хыгъдлæвæрд бацæттæ ис. Куыддæр геологион басгæрсты хатдзæг сбæлвырд кæна территорийы æууæнкдзинад, афтæ райдайдзысты инфраструктурон куыстытæ – фæндæгтæн, газификацийæн, ног электрохызæджы монтажæн æмæ коммуналон транспорты снысан кæнынæн.

Уый фæдыл информаци Гуырдзыстоны инфраструктурæйы министрады пресс-куыст парахат кæны.