Гуырдзыстоны  «Омикрон»  штаммæй инфицирады  дыууæ цау  рабæрæг ис.  Уый фæдыл  информаци хъусын кæны  низты контролы националон  центры къудариуæггæнæг Амиран Гамхърелидзе.

«Дыууæдæр  цау  сты  Гуырдзыстоны  æмбæстæгтæ, кæцытæн ис  балцы истори АИШ æмæ  Æввахс  Скæсæнмæ, Дубайимæ. Дыууæдæр  изоляцигонд сты,  цæуы  сæ 26 контакты бацахуыр.  Иу  цауы нын ис  10 контакт, дыккаг цауы та  16.  Адонæй  11  сты  фæсарæйнæгтæ,  иннæтæ Гуырдзыстоны æмбæстæгтæ.  Сæ  лæмбынæг эпидбасгæрст цæуы.  Дыууæ  фæрынчынуæвæг сты  сæ хæдзæртты  изоляцигонд  æмæ   рог  рынчынтæ  сты», –   райхъусын кодта  Гамхърелидзе.

Бакой уын кæндзыстæм, «Омикрон»-ы номхуындæй  бæрæг,  коронавирусы  ног штам  фыццаг хатт  Хуссар Африкæйы   сфиксир ис.  Стæй та  æндæр   бæстæтыл дæр ахæлиу ис.  Æнæниздзинад хъахъхъæнынады æппæтдунейон организацийы  æппæтыфæстаг бæрæггæнæнтæй,  Гуырдзыстонæй дарддæр, «омикрон» ноджы  дуныейы 89  бæстæйы сфиксир ис.