Гуырдзыстон йæхи цæттæ кæны Юниор Евроуынынады 2025 азы фысым кæнынмæ. Европæйы сеппæтæй престижон сывæллæтты конкурсы финал 13-æм декабры сырæздзæн, хайад райсдзысты 18 европæйаг бæстæйы минæвæрттæ, се æхсæн «Ранинайы» уæлахиздзау Анита Абгарян.

Евроуынынады фæдыл пресс-конференци Гуырдзыстоны культурæйы министр æмæ Гуырдзыстоны Фыццаг Къаналы генералон директор сарæзтой.

Гуырдзыстоны Фыццаг Къаналы генералон директор Тинатин Бердзенишвили расидтис, цæмæй стырдæр европæйаг фестивалмæ цæттæгæнæн мадзæлттæ хорз цæуынц.

“Гуырдзыстон цыппæрæм хатт рамбылдта Юниор Евроуынынады зарæджы конкурс, æмæ уый у абсолютон рекорд, кæцыйæ нæ бæстæ, кæй зæгъын æй хъæуы, сæрыстыр у. Уый у дыккаг хатт, æхсæнадон телеуынынад кæй архайдта куыд фысым æмæ дзы сæрыстыр у, уымæн æмæ гуырдзиаг сывæллæттæн уый у æнæхъæн фестиваль. Ай у æрмæст иу концерт нæу — уый у æнæхъæн къуыри, кæцы райдайдзæн 1 декабры”. Уыдзæн нын дыууæ концерты — дыууæ дубляжгонд варианты — алкæцыйы дæр уыдзæн 3000 сывæллоны онг: хъусдзысты, кæсдзысты æмæ аргъ кæндзысты жюрийы уæнгтимæ иумæ. Дыккаг концерт комкоммæ эфиры фендзысты 18 бæстæйы раззагдæр уацхæссджытæ. Мæнмæ гæсгæ, Ног азы агъоммæ рæстæг иууыл амондджындæр уыдзысты нæ сывæллæттæ. Уый дæр нæ бæстæйы æрдыгæй нæ европæйаг коллегæтæн йæхи хуызæн фидиуæн у. Гуырдзыстонмæ ныридæгæн æрцыд Европæйы Уацхæссæгы Цæдисы æнæхъæн командæ, æмæ сеппæтæй стырдæр Европаг фестивалмæ цæттæгæнæн мадзæлттæ даргъ кæнынц» -расидтис Гуырдзыстоны Фыццаг Къаналы генералон директор Тинатин Бердзенишвили.

Гуырдзыстоны культурæйы министр Тинатин Рухадзе банысан кодта, цæмæй Гуырдзыстоны дыккаг хатт «Юниор Евроуынынады» фысым кæнын у сæрыстырдзинады хос.

Йæ ныхæстæм гæсгæ, уый бæстæйæн иттæг нысаниуæгджын у.

«Æхсызгон мын у, цæмæй Гуырдзыстон Юниор Евроуынынады ахæм фæстиуæг баххæсыд, кæцы æндæр бæстæйæн нæ бантыст.Нæ сывæллæтты курдиат æнæхъæн дунейы кой кæны уый тыххæй». Кæй зæгъын æй хъæуы, стыр кад у, цæмæй Гуырдзыстон дыккаг хатт фысым кæны Юниор Евроуынынады. Фæнды мæ бузныг зæгъын Æхсæнадон Уацхæссæгæн. Уый бæстæйæн иттæг нысаниуæгджын у, уымæн æмæ ацы периоды дæргъы, æнæхъæн дуне мах тыххæй дзурдзæн. Гуырдзыстон уыдзæн æвдыст практиконæй алы европæйаг медийы. Уый Европæйæн иуæй-иу нысаниуæгджын цау у. Махæн ахсджиаг у, цæмæй нæ культурæ, нæ хъæлæс æмæ нæ æрыгон гуырдзиæгтæ, кæцытæй мах уырны, дунейы сеппæтæй курдиатджындæрты нымæцы сты, æвдыст æрцæуой Европæйы. Бæстæйæн уый нысан кæны туризмы рæзт æмæ æнæфæцудгæ æмæ æнæрлæугæ экономикон рæзт. Алцыппæт уый кæрæдзиимæ баст у æмæ кæй зæгъын æй хъæуы, Гуырдзыстоны хицауад размæцыд æмæ прогрессæн йæ фарсыл хæцы. Уый у нæ европон интеграци – интеграцигонд æмæ æнæфæхицæнгæнгæ уæвын курдиат æмæ аивады фæрцы» – райхъусын кодта Тинатин Рухадзе.