Журналист Цъиклаури Лиза æмæ пианист Давид Аладешвили «Юниор Евроуынынады 2025 азы» фысым уыдзысты, кæцы Гуырдзыстоны 13-æм декабры сырæздзæн.

Цъиклаури Лиза у телеакæнæг æмæ журналист Гуырдзыстоны Æхсæнадон Уацхæссæгæн. Журналистикæйы кусы 2008 азæй фæстæмæ æмæ 2014 азæй фæстæмæ æххæст кæны информацион программæтæ. Азты дæргъы Лизæ æххæст кодта бирæнымæц ахсджиаг националон æмæ æхсæнадæмон мадзæлттæ, концерттæ æмæ телеуынынады проекттæ.

Давид Аладешвили у пианист, кæцы нымад у «сценæйæн райгуыргæ æнкъарæнджын виртуозыл». Фортепианойыл цæгъдын райдыдта иуæндæсаздзыдæй. Давид Аладашвили йæ концертон карьерæйæ дарддæр телеуынынады амонæгæй дæр кусы. Ныртæккæ Гуырдзыстоны Фыццаг Къаналы телеуынынады проект «Ранина» акæнæг у.

Гуырдзыстон дыккаг хатт сфысым кæндзæн Юниор Евроуынынады. Конкурс фыццаг хатт уагъд æрцыд Тбилисы 2017-æм азы, Гуырдзыстон у иууыл æнтыстджындæр бæстæ Юниорты Евроуынынады конкурсы историйы, мадзал цыппар хатты фæуæлахиз уæвгæйæ:

• 2008 – Bzikebi с песней «Bzz…»-имæ;
• 2011 – Candy с песней «Candy Music»-имæ;
• 2016 – Мариам Мамадашвили зарæг «Мзео»-имæ;
• 2024 – Андрия Путкарадзе зарæг «Dedas»-имæ.

2025 азы конкурсы хайад райсдзысты 9 азæй 14 азы онг кары æххæстгæнджытæ æппæт Европæйæ æмæ æндæр рæттæй. Алы æххæстгæнæг дæр равдисдзæн йæхи зарæг, кæцы нывонд у фæсивæдæн, музыкæйæн æмæ алыхуызондзинадæн.

Европæйы стырдæр сывæллæтты музыкалон равдысты хайад райсдзысты ахæм эфиргæнæг организацитæ: RTSH (Албани); AMPTV (Сомихыстон); Ictimai  (Азербайджан); HRT (Хорвати); CyBC (Кипр); Францы телеуынынад (Франц); Æхсæнадон Уацхæссæг (Гуырдзыстон); TG4 (Ирланди); Rai (Итали); PBS (Мальтæ); RTCG (Черногори); AVROTROS (Нидерландтæ); MKRTV (Цæгат Македони); ТВП (Польшæ); RTP (Португали); SMRTV (Сан-Марино); RTVE (Испани);  Suspilne (Украина).

Æртæ бæстæйы æрыздæхдзысты конкурсмæ 2025 азы. Черногори фæстаг хатт архайдта 2015 азы, Хорвати та 2014 азы. Азербайджан дæр 2021 азæй фæстæмæ фыццаг хатт архайдзæн.

Æхсæнадон уацхæссæг ныридæгæн раргом кодта Юниор Евроуынынады 2025-æм азы сценæйы дизайн, сценæ Гуырдзыстоны культурон бынтæй арф æндæвдад у. Центры æвæрд у доли – гуырдзиаг адæмон цæгъдæн традицион инструмент. Централон сценæйы алыварс сты скульптурон формæтæ, кæцытæ сты æнæфæцудгæ хæххон пейзажтæй, фидæрттæй æмæ мæсгуытæй, кæцытæ æрзылдысты Гуырдзыстоны æрдзы хъæбысы. Сценæйыл ма æвдыст цæуы конкурсы тематикон цæстуынгæ æууæлтæ æмæ лозунг «Музыкæ нæ иу кæны».

Юниор Евроуынынады конкурс 2025 ацæудзæн сабаты, 13 декабры, 20:00 сахатыл Тбилисы Олимпион галуаны.

Мадзалы комкоммæ трансляци Гуырдзыстоны Æхсæнадон Уацхæссæг уыдзæн.