Гуырдзыстон-Азербайджаны арæны делимитацийы æмæ демаркацийы  комиссийы  раздæры уæнг  Ивери  Мелашвилийы  кусæн уаты  фæдагурæг уагдон уадзы джигул.   Уый тыххæй   Ивери Мелашвили  Гуырдзыстоны Фыццаг Каналæн  фехъусын кодта.

«Мæ  кусæн уаты джигул кæнынц,   ницы загътой цы агурынц»,  – райхъусын кодта Мелашвили.

Ивери Мелашвили  2006-2017 азты уыдис Гуырдзыстон-Азербайджаны  арæны делимитацийы æмæ  демаркацийы  комиссийы уæнг. Ныр та кусы Гуырдзыстоны фæсарæн хъуыддæгты министрады  сыхаг  бæстæты фæдыл департаменты.

Гуырдзыстоны  прокуратурæ ахæлиу кодта фидиуæн, цæмæй  æндæр бæстæйæн  Гуырдзыстоны территориты хайы  алæвæрды æрдæм  архайдты фактыл, прокуратурæйы  цæуы фæдагуырд. Ахæлиугонд фидиуæны  куыд дзырдæуы афтæмæй,   фæдагуырд райдаыны  бындурæй ссис  Гуырдзыстоны  хъахъхъæнынады министрады  фыстæй информаци, кæцы æххæссыд  Гуырдзыстоны паддзахадон арæнты  делимитацийы  æмæ  демаркацийы  хицауадон комиссийы  куыстмæ.  Прокуратурæйы куыд дзурынц афтæмæй,    хъахъхъæнынады  министрадæй  райсгæ  информацийæ,  комисси, Гуырдзыстон-Азербайджаны  паддзахадон арæны  бæрæг  фадгуытæ,  æнæрастæй, бæстæйы  территорион интерестæн  знаггадгæнгæйæ  сразы кодта.

Афтæма, фæсарæн хъуыддæгты министр Давит Залкалиани, 24 сентябры  Азербайджаны  фæсарæн хъуыддæгты  министримæ иумæ  арызт  прессконференцийы   райхъусын кодта: «Давит Гареджийы   моладзандонон  комплексмæ гæсгæ нæм æрбафтыд  ног  картографион  æрмæджытæ  æмæ  документтæ,  кæцы гæнæн ис,  æнæмæнгхъæугæ скæна 2006-2007 азты  бадзырд ногæй  æркæсын».